Ukiormanna Qeqqata Kommunianiit, Kangerlussuup iluani iluarsaasinissaq isigiuminarsaanissarlu ukkatarineqarpoq.
Kommunimi aallartereerpugut kommunip illuutaanik kiisalu nunaminertaani iluarsaasilluta.
Nunaqarfimmi aqutsisut aningaasanik immikkoortitsipput nunaqarfiup iluani nuannersaanissamut. Taakkulu aningaasat eqqumiitsulianik kiisalu ujaqqani qalipagaareersuni gl. lejr tungaanut kiisalu imeqarfiup tungaanut aqqutaaniittut aaqqissuussinissaanut.
Qeqqata Kommuniani neriuutigaarput innuttaasut kiisalu suliffeqarfiit iluarsaasinitsinnut tapersersuillutik ikiuuteqataasinnaasasut Kangerlussuup kusassarnissaanut.
Qeqqata Kommuniata atorunnaarnikuusorisat biilit, umiatsiaaqqat, sikkilit assigisaallu Kangerlussuarmiittut nalunaarsoqqammerpai. Tassanilu Inatsisartut inatsisaat nr. 9 22. november 2011-miit paragraf 36 tunngavigalugu, kommuni peersitsisinnaavoq immikkut qaammatit pingasut takutinneqareeneraniik.
Tassanilu piffissaq aallarnerfigissavaa 19.03.2021 naasallunilu 19.06.2021.
Pigisanik inuttassarsiuussineq imatut pissaaq, Kangerlussuup Borgerservice-ani mappi assitalik saqqumitinneqassaaq innuttaasunik alakkarneqarsinnaasumik. Mappimiissapput assit kiisalu paasissutissat. Assimiittut pigigaanni nalunaarsorneqassapput piginnittutut.
Borgerservice ammasarpoq innuttaasunut ataasinngorneq, marlunngorneq, sisamanngorneq kiisalu tallimanngorneq nal. 10.00 – 15.00
Qaammatit pingasut qaanngiuppata kommuni pisinnaatitaaffeqarpoq saqqummiunnikuusat peerneqarnissaanut, taarsiiffiginnigani kiisalu nalunaaqaarani.
Ornigullutit mappit alakkakkit, immaqa angallateeqqat, biilit, sikkilit allaluunniit saqqummiunneqarnikuuvoq. Qisuarianngikkuit pigisat annaasinnaavat.
Avatangiisit innarlitsaaliorneqarnissaanik Inatsisartut inatsisaat nr. 9, 22. november 2011-meersoq.
§ 36. Kommunalbestyrelsip eqqakkanik igitsisarnissaq isumagisaraa, atortussiallu imaluunniit tigussaasup suulluunniit eqqagassatut naliliiffigineqartarnissaa aalajangiiffigissallugu. Biilinik, umiatsiaanik, umiarsuarnik, qamuteralannik aamma tigussaasunik sunilluunniit angisuunik assigisaanillu peersinissaq aatsaat pisinnaavoq, taakkua sivikinnerpaamik qaammatini pingasuni inuttassarsiuunneqareeraangata.
Imm. 2. Kommunalbestyrelsiimm. 1-imi aalajangiineq taaneqartoq aalajangiiffigineqareerpat eqqakkatut isigineqartunik passussinermi igitsinermilu aningaasartuutit matussutissaqartinniarlugit tamakku tuniniarsinnaavai akitsorterussilluniluunniit.