Aprilip 6-ani 2021 kommunalbestyrelsimut qinersinissamut atatillugu pitsorluttut isigiarsuttullu, namminerisaminnik ineqartut matumuuna periarfissinneqarput angerlarsimaffiannut ornillugit allakkatigut taasisinneqarnissaannik.
Allakkatigut taasisitsineq pissaaq ulloq qinersiffik nallertinnagu, taasiumasup inuillu allattorsimaffianni sulisut siumut ullormi aalajangersimasumi isumaqatigiissuteqarfigisaanni.
Orninneqarlutik taaserusuttut kingusinnerpaamik ulloq martsip 31-ani nal. 14.00 sianerlutik nalunaaruteqarsinnaapput.
Maniitsumi qinersisartut oqarasuaammut 817805-mut 817824-mulluunniit sianersinnaapput.
Sisimiuni qinersisartut oqarasuaammut tlf. 867370-imut 867375-imulluunniit sianersinnaapput.
Aammattaaq nalunaarutigineqassaaq qinersisartut utoqqaanerusut innarluutillillu aatsaat ajornartorsiorlutik taasisitsiviliarsinnaasut, kommunimit angallanneqarsinnaasut.
Maniitsumi qinersisartut taxanut oqarasuaammut 524565 sianersinnaapput.
Sisimiuni qinersisartut Taxacentralimut oqarasuaammut 865533-mut sianersinnaapput.
Qeqqata Kommuniani qinersinermi siulersuisut
Valgbestyrelsen i Qeqqata Kommunia