Danmarkimi atugarissaarneq pillugu ilisimatusarfik misissueqqissaartarfillu - Det Nationale Forsknings- og Analysecenter for Velfærd (VIVE) Kalaallit Nunaanni Ilaqutariinnut sullissiviit (familiecentre) aamma katsorsaajartorlutik angalasartut (Rejsehold) meeqqanik inersimasunillu kinguaassiutitigut innarligaasimasut katsorsaasarneri paasiniarlugit misissuileruttorpoq.
Misissuinermut pingaaruteqarpoq innuttaasut isiginneriaasaat erseqqissarneqarnissaat. Taamaattumik innuttaasut meeqqanik inersimasunilluunniit katsorsaajartorlutik angalasartunit katsorsartissimasut aamma/imaluunniit innuttaasut Ilaqutariinnut sullissivinniit neqeroorutaannik atuisimasut apersorusuppaat. Apersuinissap siunertaraa innuttaasut katsorsaajartorlutik angalasartut katsorsaasarnerinut Ilaqutariinnullu sullissiviit neqeroorutaannut misilittagaat erseqqissassallugit.
Apersuineq kalaallisut danskisulluunniit - skype/zoom imaluunniit oqarasuaatilluunniit atorlugit ingerlanneqarsinnaavoq. Apersuineq naapilluni aamma ingerlanneqarsinnaavoq VIVE-mi sulisut aggustip naanerani/septemberip aallartinnerani Sisimiut tikeraarpassuk. Misissuititsinermi peqataasut tamarmik kinaassusaat isertuunneqassapput.
Isumaginninnermut, Ilaqutariinnut, Inatsisinillu Atuutsitsinermut Naalakkersuisoqarfik misissuititsinermik aallartitsisuupput.
Misissuititsinermi peqataaneq namminerluinnaq aalajangigassaavoq. Peqataarusukkuit misissuisitsinernulluunniit paasisaqarnerorusukkuit Karen Margrethe Vendelbo Dahl mail-kut: kmd@vive.dk telefonikkulluunniit: + 45 33 48 09 39 saaffigisinnaavat. Maliina Grønvold Olsen kalaallisut oqaluttoq aamma sianerfigisinnaavarsi uunga: +45 33 69 77 55, allaffigaluguluunniit uunga: mago@vive.dk.
Pisinnaatitaaffitit kinaassutsimillu isertuussineq
Ilinnut paasissutissat tunngasut tamarmik isortortumik isumagineqassapput. Taamaattumik ilisimatusartut suliniummik suliaqartut kisimik paasissutissatit ilisimassavaat uagutsinnullu oqaluttuarnitit allanit ilisarineqarsinnaassanngillat. VIVE-p paasissutissanik isumannaatsumik isumaginnittarneri pillugit maleruagasst uani atuarsinnaavatit: https://www.vive.dk/da/om-vive/vives-privatlivspolitik/.