Pingasunngorneq 19. november suleqateqarput Karoline Berthelsen ukiorpassuarni Qeqqata Kommuniani sulisimasoq nalliuttorsiutigaarput.
Karolinep ukiuni 40-ni immikkoortortaqarfiit assigiinngitsut aqqusaarsimavai – massakkullu Perorsaanikkut Siunnersortitut sulilluni. Sulinera tamaat isigalugu inuppalaarluni suliaminut ersarissumik ilusilersueqataalluarpoq.
Ukiuni taakkunani aqutsisutut suleqatitullu ilisarnaatigai ataqqinnilluni, toqqissisimatitseqataalluni ukkataqarlunilu sulineaqarneq takutilluarpai. Tatiginartumik ersarissumillu sullitani, innuttaasut suleqatinilu naapittarlugit.
Suliatigut eqeersimaartuunera atorfimmilu ingerlatsinera amerlasuunut pingaaruteqarpoq tamannalu assut nuannaarutigaarput.
Nalliuttorsiornerani uummammik pisumik pilluaqquarput ukiorpassuarnilu kommunimi sulisimaneranut qutsavigalugu! Ukiunilu tulliuttuni suleqatigeqqinnissat qilanaaraarput.