Qeqqata Kommuniani innuttaasut piffissami kingullermi kommunip atugarissaanermut immikkoortuani innuttaasunik sullissisuinik oqaloqatiginninniarnerminni nalinginnaasumit sivisunerusumik utaqqisariaqarsinnaaneq malussarfigisinnaasimassavaat, tamanna pissuteqarpoq sullissisut martsip qaammataata annersaani pikkorissarnermik annertuumik ingerlataqarnikuummata, tamatumalu malitsigisaanik meeqqanik inuusuttunillu sullissinermi sullisseriaatsip nutarterneqarnerani systemimut nutaamut ikaarsaaleruttormata.
Pikkorissarneq malitsigisaanillu sullisseriaatsip nutarterneqarnera Danskit/Kalaallit suleqatigiinnermikkut meeqqanik inuusuttunillu sullissisarnerup pitsanngorsarneqarnissaanik anguniagaqarnermik aallaaveqarpoq. Tassungalu tunngatillugu Qeqqata Kommuniani inunnik sullissisut martsip qaammataata annersaa pikkorissarneqarnikuupput.
Suleqatigiinnissamut isumaqatigiissummi kommunit qanoq peqataanissaannik anguniagaq imatut erseqqissarneqarpoq;
“Kommunini meeqqanut inuusuttunullu tunngasuni sullissisarnerup pitsanngorsaavigineqarnera. Meeqqat ilaqutaasullu atugarliortut pisariaqartitaannik ikiorneqassappata kiisalu sumiginnaaneq atornerluinerlu piffissaagallartillugu unitsinneqassappata sullissisoq pikkorissoq aalajangiisuulluinnarpoq. Suliassalli oqimaappallaartarput allaat kommu nit malinnaasinnaanatik. Tamassumunnga suliassat amerlassusaat, ilinniartitaanikkut kingulerunneq sulisunillu amigaateqarneq pissutaapput. Piginnaasakkut ilinniartitaa nikkullu eqqortumik pigisaqaraluaraanniluunniit inuiaqatigiit agguataarnerisa ineriar tornerannik pissuteqartumik innuttaasut atugarliortut isumaginissaannut assassaa leqisoqassaaq. Suliat ikilisinneqartariaqarput sullissisut siunissamut piffissamullu ungasinnerusumut takunnissinnaanissamut nukissaqalersikkumallugit. Suliani qalerii aarpassuarni takuneqarsinnaanngitsutut inissisimalersimanertik pissutigalugu meeq qat ikiorneqanngitsutut misigitinneqassanngillat.”
Isumaqatigiissutip timitalersorneqarnerata sullissinermi periutsit ataatsimoortut atuutsinneqalernerannik inerneqartussaavoq, taamaalillutik kommunit tallimaasut tamarmik ataatsimut periaaseqalertussaassallutik, isumaginninnikkut sullisseriaaseqarneq kiisalu elektroniskimik sulianik allagaatinillu aqutsissummik atuutsitsilernermik isumaginninnikkut suliaqartut ikorfartuinissaasa ingerlanneqarnerat ilutigalugu sulisut aqutsisullu piginnaasaat qaffassarneqassallutik.
Qeqqata Kommuniani isumaginninnermik sullissisut siuliupput Isumaginninnermut Aqutsisoqarfiup meeqqanik inuusuttunillu sullissinermi sulianik allagaatinillu aqutsissutitaavanut Get Organized-mut ikaarsaarnissaminnut pikkorissartut.
Qeqqata Kommuniani atugarissaarnermut pisortaq, Martha Lund Olsen ilisimatitsivoq taamaammat piffissami qaammatinngulersumi sullissineq pisarnermit arriinnerusimasoq, aammalu siunissami qaninnermi suli pisarnermit arriinnerusinnaasoq, aaqqissuussaanermut nutaamut ikaarsaarneq ingerlanneqaleruttormat.
- Pikkorissarneq aallartimmat innuttaasunut ilimasaarinikuuvugut sullissineq pisarnermit arriinnerusinnaasoq, innuttaasullu utaqqisinnaassuseqarnerat pillugu qutsavigaagut. Taamaattorli suli utaqqisinnaaqqilaarnissaq matumani noqqaassutigaarput, aaqqissuusseriaatsimut nutaamut ikaarsaarneq oqaatigineqareersutut ingerlanneqaleruttormat, taamaattorli aamma erseqqissaatigissavarput suliassat pinartut matumani kalluarneqassanngimmata, Qeqqata Kommuniani Atugarissaarnermut Pisortaaneq Martha Lund Olsen erseqqissaavoq.