Illoqarfinni nunaqarfinnilu illuni kingornussassani oqaluttuat sorliit ilisaritinneqassappat qanorlu pitsaanerpaamik ingerlateqqinneqarnissaat qulakkiissavarput.
Eriagisassaq sunaagami?
Illut immikkoortortallu eriagisassaasut aammalu sumiiffimmi nunalu tamakkerlugu illuliortaatsit, ilusilersueriaatsit aamma kulturikkut oqaluttuarisaanermut oqaluttuartuupput immikkullu ittumik inissisimaffeqarlutik. Illu eriagisassatut toqqarneqarsimatillugu illup silataa kisimi pineqartarpoq.
Paarlattuanik illut eqqissisimatitaasut nuna tamakkerlugu pingaaruteqarput, tassani illup iluatungaa illullu silataatungaa eqqisissimatinneqartarlutik.
Sooq eriaginnittoqassava?
Illut illoqarfimmilu avatangiisit inuunerisimasanik aammali qanoq inuuneqartoqarnersoq pillugu oqaluttuaqataapput. Illoqarfiup illullu oqaluttuassartaat illoqarfiup kinaassusaanut taakkunanngalu misigisamik pilersitseqataasarput. Pigisat uagutsinnut immikkut isumallit kingornunneqaraangata toqqortarisarnerannut assinguvoq. Inuunermit oqaluttuat pillugit kinguaatsinnut oqaluttuariniarlugit taamaaliortarpugut.
Illunik immikkoortortanik maannakkut uagutsinnut kinguaatsinnullu kingornussassaasorigaangatsigit aamma taamaaliortarpugut. Illunit najugaqarfiusunit oqaluttuanik annikitsunik inuttarsiortunillu uppernarsaasunik oqaluttuartunit, katersortarfittut amutsivitoqqatullu pisortaanerusunut suliffiussuaqarfiunerusunulluunniit. Qujanartumik illut taakku oqaluttuassartaallu eriagisaapput aammalu maannakkut ullut tamaasa oqaluttuarineqartunik ingerlasunik nutaanilu akuulerlutik. Tamakku illoqarfinnik nunaqarfinnillu soqutiginartunik inuuffissaqalersittarpaatigut. Sumiiffiit piffissap ingerlanerani qaleriiaarpassuarnik oqaluttuartut taamaalillutillu oqaluttuarisaanermi maannakkut piusumi kinaassutsitsinnut tarrarsortoq.
Illunit najugaqarfiusunit oqaluttuanik annikitsunik inuttarsiortunillu uppernarsaasunik oqaluttuartunit, katersortarfittut amutsivitoqqatullu pisortaanerusunut suliffiussuaqarfiunerusunulluunniit. Qujanartumik illut taakku oqaluttuassartaallu eriagisaapput aammalu maannakkut ullut taamaasa oqaluttuarineqartunik ingerlasunik nutaanilu akuulerlutik. Tamakku illoqarfinnik nunaqarfinnillu soqutiginartunik inuuffissaqalersittarpaatigut. Sumiiffiit piffissap ingerlanerani qaleriiaarpassuarnik oqaluttuartut taamaalillutillu oqaluttuarisaanermi maannakkut piusumi kinaassutsitsinnut tarrarsortoq.
Oqaluttuarisaanermi illunik eriagisassanik toqqaanermut ingerlatsineq
Ukiut kingulliit 30-t ingerlaneranni Naalakkersuisut eriagisassatut soqutigisanik paasiniaanermik nalilersuinermillu aallartitsinikuupput. Sulineq eriaginninnermut sinaakkutinik pilersaarutit eqqarsaatigalugit nunamut tunngaviliivoq.
Gule bynotatimik taaneqartartunik 1990-imi suliaqartoqarpoq taanna illoqarfinni nunaqarfinnilu ataasiakkaani illunik sorlernik eriagisassaasunik allaaserinnippoq. Taakku tunngavigalugit eriagisassanik mianerinninnermik kommuni ingerlatsinissamik tigusivoq. Taamaattumik illoqarfinni immikkoortunilu pineqartuni killiffissiuinermik kommuni suliaqartussaavoq.
Illumi immikkoortumiluunniit eriagisariaqartumi najugaqarpit? Imaluunniit oqaluttuanik oqaluttuarineqarnnissaannut immikkut naleqartumik ilisimasaqarpit? Oqaluttuat eqqaamasassagut aammalu pingaarutilinnik oqaluttuartut, immaqa illit oqaluttuat taannaavoq sumiiffimmut immikkut pingaarutiliusoq, taamaattumik uunga allaffigitigut: plan@qeqqata.gl
