Ukiuni atuarfiusuni kingullerni atuartut akornanni atuanngitsoornerit annikillisinneqarnissaat immikkut ukkatarineqarsimavoq, illoqarfinni atuarfiusuni tamani peqquteqanngitsumik akuerisaasumillu atuanngittarnerit qaffariaateqarnikuummata. Sulili ukkatarineqartariaqartoq nalunaarusiami erserpoq.
Inuusuttuaranngulersut atuanngitsuukulasut
Nalunaarusiami kisitsisit takutippaat Minngortuunnguup Atuarfiani, Nalunnguarfiup Atuarfiani atuartut 7. klassimiit 10.klassinut peqquteqanngitsumik akuerisaasumillu atuanngittarnerit appariaateqarsimagaluarlutik suli qaffasissut. Atuarfik Kilaaseeqqami atuartut akuerineqarani atuanngitsoornerit qaffasingaatsiarput, tassa atuanngitsoornerit 20 procentit sinneqarmata. Nalunaarusiarlu naapertorlugu atuarfimmi oqoqartoqarneranik patsiseqarsinnaavoq.
Nunaqarfinni atuanngitsoortarnerit qaffasinnerusut
Ataatsimut isigalugu nunaqarfinni atuarfinni akuerineqarnilu atuanngitsoornerit qaffasinnerupput, kiisalu illoqarfinni atuarfinni sanilliussinermi klassit akornanni annertuumik nikerarfiulluni. Tassunga peqqutaasut arlaliusinnaapput, atuartulli ikinneruneri peqqutaallutik atuartut ataasiakkaat peqanngittarneri procentinngornerisa katinnerannut paeqqutaaqataasorujussuussasoq, nalunaarusiami atuarneqarsinnaavoq.
Nalunaarusiaq tamakkiisoq uani atuaruk