airplanebooksbriefcase business cogs cross election entertainment fish house law lockmedicalpeopleselfservices socialtax

Eqalunniarneq pillugu ileqqoreqqusassamut siunnersuut nutaaq

Qeqqata Kommuniata matumuuna nassiuppaa Qeqqata Kommuniani eqalunniarneq pillugu ileqqoreqqusassamut siunnersuut nutaaq. Pilersaarutaavoq 2023-imi atuutilissasoq
19. maj 2023

Eqalunniarneq pillugu Namminersorlutik Oqartussat nalunaarutaat nr. 20, 25. august 2005-imeersoq naapertorlugu Kommunit ukiut tallimakkaarlugit ileqqoreqqusakkut kommunip ilaani sumiiffinnik eqaloqarfilinnik arlaliusinnaasunik ukiuni tallimani atuuttussamik eqqissisimatitaliortassaaq.

Qeqqata Kommuniata siunnersuutigaa Maniitsup eqqaaniittoq Narsaq qassutit atorlugit
eqalunniarfigineqarnissamut ukiuni tallimani atuuttussamik eqqissisimatinneqassasoq, takuuk ilanngussaq immap assinga.

Ilanngullugu siunnersuutaavoq ileqqoreqqusami maannakkut atuuttumi § 3 peerneqassasoq, taamaalilluni aamma Sisimiut aqutsiviani innuttaasunut juni-p 15.-ianiit  qassutit atorlugit eqalunniarsinnaaneq ajornarunnaassalluni.

Ileqqoreqqusassamut siunnersuut sapaatip akunnerini 3-ni tusarniaassutaavoq piffissami 22. maj-imiit 9. juni ilanngullugu.

Tusarniaanermut akissuteqaatit uunga nassiuteqquneqarput: qeqqata@qeqqata.gl

Ileqqoreqqusamut siunnersuut uani atuaruk.