Atoqatigiinnermi imminut sianiginak illersuuteqanngikkuit syfilisimik tunillatsinnissat aarlerinaateqarpoq. Kisitsisimmi kingulliit takutippaat 2020-imi kinguaassiuutitigut nappaatit katillugit 616-it nalunaarsorneqarsimasut. Nappaatit gonorré, klamydia syfilisilu tassani pineqarput. 2021-imi kisitsisit ikileriarlutik 503-usut siorna 2022-imi amerleriaqqillutik 578-upput.
Syfilisimik tuniluunnersuaqarpoq
Kinguaassiuutitigut nappaat timikkut aseruunnernik pilersitsisartoq, soorlu qaratsakkut sianititigullu, ajornerpaamillu toqqutaasinnaasoq ukiuni pingasuni tuniluuppoq.
2020-imi inuit arfinillit syfilisimik tunillatsissimapput, ukiorli taanna uninngillat. 2021-imi tunillatsittut amerleriarlutik 21-upput, siorna 2022-imi 34-usut.
Kisitsit taama isikkoqalersimanerit Peqqinnissaqarfik Qeqqani aamma Qeqqata Kommuniani ernummatigineqarpoq. Taamaattumik sapaatip akunnerani taallugu "Atoqatígiinneq peqqinnartoq" aaqqissuunneqarpoq, tassani selxologi Ulrikke Andersen tikisinneqarluni meeqqat atuarfii innuttaasullu ornippai. Imminut paarinissaq atoqatigiinnerlu peqqinnartoq qulequtaralugit oqalugiarpoq. Peqqinnissaqarfik Qeqqami sulisut aamma innuttaasunut paasititsiniaapput, tassani paasissutissanik usuup puuinillu agguaallutik. Innuttaasunit soqutigineqarluarput.
Peqqinnissaqarfik Qeqqa kiisalu Qeqqata Kommuniata neriuutigaa aappaagu kisitsisit appariarujussuarsimassasut.
