- Sanaartorfissaq 1.1 qiterisaqarfittut siunertamut quleriiaanut sanaartorfissanut 190 m2-imik annertussuseqarpoq, matumani inissianut quleriiaani annerpaamik ilanngaateqanngitsumik 750 m2-inik annertussuseqartunut. Kr. 363.031,91
- Sanaartorfissaq 1.2 qiterisaqarfittut siunertamut quleriiaanut sanaartorfissanut 190 m2-imik annertussuseqarpoq, matumani inissianut quleriiaani annerpaamik ilanngaateqanngitsumik 750 m2-inik annertussuseqartunut. Kr. 363.031,91
- Sanaartorfissaq 1.3 qiterisaqarfittut siunertamut quleriiaanut sanaartorfissanut 190 m2-imik annertussuseqarpoq, matumani inissianut quleriiaani annerpaamik ilanngaateqanngitsumik 750 m2-inik annertussuseqartunut. Kr. 363.031,91
- Sanaartorfissaq 1.4 qiterisaqarfittut siunertamut quleriiaanut sanaartorfissanut 190 m2-imik annertussuseqarpoq, matumani inissianut quleriiaani annerpaamik ilanngaateqanngitsumik 750 m2-inik annertussuseqartunut. Kr. 363.031,91
- Sanaartorfissaq 2.1 tunngaviusumik 48 m2-imik annertussuseqarlutik illuaqqanut tallimanut aammalu tunngaviusumik 110 m2-imik annertussuseqarluni atortussaasivik. Sanaartorfissaq illuaqqanut atortussaasivilinnut siunertanut sanaartornissamut, annerpaamik ilanngaateqanngitsumik 405 m2-inik annertussuseqartunut tunngaviusumik 270 m2-imik ataatsimut annertussuseqarpoq. Kr. 196.037,23
- Sanaartorfissaq 3.1 qiterisaqarfinnut siunertanut quleriiaanut, matumani pisiniarfik, paaqqinniffik, kiffartuussivik, inissiaqarfik il.il. annerpaamik ataatsimut ilanngaateqanngitsumik 1310 m2-inik annertussuseqartunut tunngaviusumik 262 m2-imik annertussuseqarpoq. Kr. 634.040,00
- Sanaartorfissaq 3.2 qiterisaqarfinnut siunertanut quleriiaanut, matumani pisiniarfik, paaqqinniffik, kiffartuussivik, inissiaqarfik il.il. annerpaamik ataatsimut ilanngaateqanngitsumik 950 m2-inik annertussuseqartunut tunngaviusumik 190 m2-imik annertussuseqarpoq. Kr. 459.800,00
- Sanaartorfissaq 4.1 inissiaqarfinnut quleriiaanut annerpaamik ilanngaateqanngitsumik 2180 m2-inik annertussuseqartunut tunngaviusumik 363 m2-imik annertussuseqarpoq. Kr. 1.055.212,77
- Sanaartorfissaq 4.2 inissiaqarfinnut quleriiaanut annerpaamik ilanngaateqanngitsumik 2180 m2-inik annertussuseqartunut tunngaviusumik 363 m2-imik annertussuseqarpoq. Kr. 1.055.212,77
- Sanaartorfissaq 4.3 inissiaqarfinnut quleriiaanut annerpaamik ilanngaateqanngitsumik 2180 m2-inik annertussuseqartunut tunngaviusumik 363 m2-imik annertussuseqarpoq. Kr. 1.055.212,77
Qeqqata Kommunianit maluginiaqquneqassaaq, sanaartorfinnut allanut imaluunniit illunut allanut 10 meterimit qaninnerusumik inissianik sanaartortoqassappat, klasse 1-imik qallersorsimaneqassammat.
Qeqqata Kommunianut 2012-2024-mut kommunip pilersaarusiorfigineqarnerani tapiliussaq nr. 24-mi aalajangersakkat immikkoortup ilaanut 800-C26 aamma 800-A53-mut atuupput. Kommunip pilersaarsusiorfigineqarnerani tapiliussaq, nunap assingani atortussat tapiliussat il.il. kiisalu qinnuteqarnermut periuseq https://pilersaarut.qeqqata.gl/-mi takuneqarsinnaapput.
Sanaartorfissami pineqartumi qanoq annertutigisumik sanaartortoqaraluarpallaanniit, sanaartorfissamut sanaartorfissagissaanermut akiliutissaq tamakkiisoq akilerneqassaaq.
Sanaartorfissat saqqummiunneqartut 04.09.2023-mi tunniunneqarsinnaanissaat naatsorsuutigineqarpoq.
Qinnuteqartut uku eqqumaffigissavaat:
- Kinaluunniit inatsisitigut pisinnaatitaasoq, inuit ataasiakkaat, suliffeqarfik, ingerlatseqatigiiffik imaluunniit peqatigiiffik nunaminertamik atugassinneqarnissamik qinnuteqarsinnaapput, ilaquttatut qanigisap arlalinnik qinnuteqaateqarsinnaannginnera eqqumaffigiuk.
- Makitsinermi qinnuteqarsinnaatitaasut tamarmik makitsinissamut ataatsimik peqartarnerat tunngaviusarpoq. Taamaalillunilu katissimallugu aapparisaq, inuk inoqutigiinneersoq, inuit allat qinnuteqaammut tunngatillugu imaluunniit toqqaannartumik attuumassuteqartut - ataatsimoorussamik soqutigisaqaqateqartut, imaluunniit ingerlatseqatigiiffinnut inunnullu ingerlatseqatigiiffimmiittunut - tamakkiisumik ilaannakortumilluunniit piginnittutut, ingerlatseqatigiiffiup aqunneqarneranut ilaasut -imaluunniit ingerlatseqatigiiffimmut taassumaluunniit aqunneqarneranut qanimut attuumassuteqartut nunaminertanut qinnuteqarfiusimasumut qinnuteqarsinnaanngillat. Aamma suliffeqarfissuarnut tamanna atuuppoq. Assersuutigalugu aappariinnut marluusunut, imaluunniit ingerlatseqatigiiffimmut taassumalu pisortaaneranut imaluunniit ingerlatseqatigiiffinnut marlunnut ataatsimik pingaarnertut aningasaliisulinnut il.il. immikkut qinnuteqarnissaq inerteqqutaavoq.
Qinnuteqaateqarfissp qaanngiunnerani qinnuteqaat ammarneqarpat, tassani malittarisassat eqqortumik malinneqarsimanersut nalilerneqassaaq. Eqqortumik malinneqarsimannginnera paasineqarpat, qinnuteqartoq malittarisassanik unioqqutitsisoq peqataajunnaarsinneqassaaq.
Nunaminertamik inniminniinermut qinnuteqaammut ilanngunneqassapput:
- Sanaartornissamut piviusorsiortumik piffissamik pilersaarusiorneq, nunaminertamik atuinissamut inniminniinermut nunaminertamillu atugassinneqarnermut, matumani sanaartugassap qaqugukkut aallartinneqarnissaa piffissaritinneqartunik atuuttunik malinnittumik aammalu naammassineqarnissaata naatsorsuutigineqarneranut paasissutissat ilanngullugit.
- Pilersaarutip allaaserinera, suut sanaartorneqarusunnersut aammalu siunertaq allaaseralugu aamma/imaluunniit titartagartaa ilanngullugu.
- Aningaasaliisinnaassuseqarnermik uppernarsaat. Qinnuteqartup sanaartugassatut qinnuteqaatip piviusunngortinnissaanut aningaasatigut periarfissani uppernarsassavai. Aningaaseriviup imaluunniit aningaaseriviup allap naliliinera naapertorlugu qinnuteqartup qinnuteqarnerata nalaani aningaasaqarneranik sukumiisumik nalilersorneqarsimasoq - pisariaqanngitsumik unitsinneqarani - nunaminertami qinnutigineqartumi sanaartornissap piviusunngortinneqarnissaanut periarfissaqartoq aningaaserivik, imaluunniit aningaaserivik alla uppernarsaassaaq. Uppernarsaanermi qinnuteqartup ukiuni arlalinni atorunnaarsinneqarsinnaanngitsumik attartortitsisuunini pillugu aalajaatsumik attartortoqarnera imaluunniit pissutsit tassunga assingusut apeqqutaatinneqassanngillat. Sanaartugassap aningaasalerneqarnissaanut qinnuteqartup nammineq aningaasaqarnera naapertuutissaaq. Uppernarsaatip tutsuiginassusia eqqarsaatigalugu akiliisinnaassuseqarnermi piumasaqaatit nalinginnaasut naapertorlugit aningaaserivik naliliisussaatitaammat - aningaaserivik imaluunniit aningaaserivik alla uppernarsaanermini inatsisitigut taamatut pisussaaffeqannginneraasinnaanngilaq.
Qinnuteqaatit taakkuninnga paasissutissanik uppernarsaatinillu imaqartut kisimik akuerineqartussatut ilanngunneqassapput. Qinnuteqaatip tamakkiisuunissaa eqqortumillu paasissutissiinissaq qinnuteqartup akisussaaffigaa. Qinnuteqarfissatut piffissaritinneqartoq qaangiutsinnagu qinnuteqaatit kommunip misissorneq ajorpai.
Paasissutissanut, uppernarsaanissamut qinnuteqarnerullu ingerlanneqarnissaanut piumasaqaataasunut nalornissuteqartoqarpat paasissutissanilluunniit sukumiinerusunik pisariaqartitsisoqarpat, Sisimiuni Teknikkeqarnermut Avatangiisinullu immikkoortortamut saaffiginnittoqarsinnaavoq.
Qinnuteqaat sanaartorfissatut kissaataasut pillugit pingaarnersiuilluni takussutissamik imaqarsinnaavoq. Qinnuteqaatit 2023-mi ataasinngorneq septemberip 18-iani nal. 15 tiguneqarsimasut piffissaq eqqorlugu tiguneqarsimasutut isigineqassapput.
Atugassiinerup ingerlanneqarnera
Qinnuteqaatit piffissaq eqqorlugu tiguneqartut tamarmik ataatsikkut tiguneqartutut isigineqassapput. Sanaartorfissanut ataasiakkaanut qinnuteqartut piukkunnartut arlaliussagaluarpata, agguataarineq makitsinikkut aalajangerneqassaaq. Makitsinissaq sumi qaqugulu ingerlanneqassanersoq qinnuteqartut nalunaarfigineqassapput, makitsineq tamanut ammasuuvoq.
Qinnuteqarnermut piffissap qaangernerata kingorna sapinngisamik sukkanerpaamik agguataarineq makitsisinnaanerlu ingerlanneqassapput, tamatuma kingorna nunaminertamik inniminniinermik pigisaqartoq sivisunerpaamik qaammatini pingasuni nunaminertamik atugassinneqarnissamut qinnuteqaammut inniminniinissamut anngussinnaavoq. Sanaartorfissagissaanermut akileeqataassutissaq nunaminertamik atugassiilluni Qeqqata Kommuniata ulloq tunniussiffigisaani kingusinnerpaamik akilerneqassaaq, aammalu nunaminertamik atugassiissummik tunniussineq sioqqullugu akiliisimanermut uppernarsaammik piumasaqarsinnaanermut kommuni pisinnaatitaavoq.
Qeqqata Kommuniani nunaminertamik atugassinneqarnermut aalajangersakkat nalinginnaasut aamma innersuussutigineqarput, https://pilersaarut.qeqqata.gl/grl/
Paasissutissat annertunerusut Teknikkeqarnermut Avatangiisinullu immikkoortortamut piniarneqarsinnaapput, sis.otm@qeqqata.gl
Nunaminertamik inniminniinissaq pillugu qinnuteqaat Qeqqata Kommunianut, Teknikkeqarnermut Avatangiisinullu immikkoortortaq, Postboks 1014, 3911 Sisimiut imaluunniit qarasaasiatigut sis.otm@qeqqata.gl-imut tunniunneqassaaq.