Assinik atisaqanngitsunik siammarterisoqartillugu qanoq iliortoqassava? Meeraq inuusuttuararluunniit qanoq iliussava? Inersimasoq pisoqarpat pisoqannginnissaanulluunniit qanoq iliussava? Tamakkua ilaatigut apeqqutit quppersagaaqqami akissutissarsineqarsinnaapput.
Kalaallit Nunaanni Politiit ukiumoortumik nalunaarusiaanni kisitsisitigut takuneqarsinnaavoq pornografiit meeqqanut tunngasut nuna tamakkerlugu pinerluttulerinermik inatsimmik unioqqutitsinerit nalunaarutigineqartut amerleriarsimasut. Tassa 2013-nimi nalunaarutiginninnerit 13-ioriarlutik siorna 2022-imi 31-nut amerleriarsimasut.
Meeqqat atuarfiini sammineqartut
Quppersagaaraliaq “Assinik atisaqanngitsunik? Naagga!” Qeqqata Kommuniani meeqqat atuarfiinut nassiunneqarsimavoq, atuarfiillu ilaanni aamma sammineqarluni. Tassani meeqqat atuarfiini atuartut assinik atisaqanngitsunik siammarterisarnerup kingunerisinnaasai pillugit ilisimaarillualernissaat anguniarneqarluni.
Quppersagaaqqat kikkunnit tamanit atorneqarsinnaapput, inersimasunut inuusuttuaqqanullu quppersagaaqqat immikkoorlutik.
Uani atuarneqarsinnaapput:
Inuusuttuaqqanut: Assinik atisaqanngitsunik? Naagga!
Inersimasunut: Assinik atisaqanngitsunik? Naagga!
Qeqqata Kommuniata neriuutigaa quppersagaaraliaq pinaveersaataalluarumaartoq.
