Kangaamiuni pujortarunnaarnissamut aqutsisut nutaat

Kangaamiuni timersorfiulluartumi inuusuttut pujortarpallaarneri innuttaasut ilaanit malugineqarsimavoq, tamannalu annikillisinniarlugu pujortarunnaarniarnissamut aqutsisussanik pikkorissaaneq ulluni pingasuni ingerlanneqarpoq. Qeqqata Kommuniani Pitsaaliuinermut Siunnersortip pikkorissaaneq ingerlappaa.

- Kangaamiuni innuttaasup ilaata saaffiginnissutigaa inuusuttut timersortartut pujortarpallaartut. Siunissami timersornerulissagunik inuuniutigaluguluunniit timersortartuussagunik pujortarneq ajorunik pitsaanerussasoq. Nunaqarfimmilu aamma innuttaasut maluginiarsimavaai innuttaasut pujortartorujussuusut, taamaammat suliniuteqarluta pujortarunnaarnissamik aqutsisussanik pikkorissaajartorpugut, Pitsaaliunermik Siunnersorti Nuka Olsen oqarpoq.

Innuttaasut pikkorissaqataasut inersimasunut pujortarunnaarniartunut, innuttaasunut, suliffeqarfinnut, inuusuttunut pikkorissaallutillu saqqummiisinnaalerput.

- Kommune pujortarfiunngitsoq, Kalaallit Nunaanni pujortartarnermi inatsit, inuiaqatigiinni pujortaaserput ilaatigut eqqartukkatta ilagivaat. Peqataasut marluk pujortartartuusut pujortarunnaarnissartik siunertarilerpaat, Nuka Olsen oqarpoq.

Pujortarunnaarniarluni aqqutissiuisutut pikkorissarlutik allagartartaartut tallimat ukuupput:
RosinâraK Larsen Rosing, Maaliannguaq Petrussen, Søren Egede (Aali), Rosínârak Rosing, Peter Rosing. Pikkorissaasuulluni Qeqqata Kommuniani Pitsaaliuinermik Siunnersorti Nuka Olsen.