Kulturikkut siammarsaassisoq nutaaq

Ileqquusoq malillugu inuiattut ullorsiornermi kulturikkut nittarsaassisussaq nutaaq ivertinneqarmat Arnajaraq Støvlbæk toqqagaavoq.

Ilinniartitaanermut Ataatsimiititaliap Kulturikkut nittarsaassisussatut toqqaaniarnermini kalaallisut naleqartitatsinnik, kulturitsinnik aamma ilinniartitaanermi kulturikkullu paasinnittaatsimi akuunitsinnik takutitsinermi sinniisuussaq.
Toqqagaasorlu kulturikkut sorlatsinnut itisuumik paasinninnermik takutitsiinnarani allanik isumassarsititsinissamut malunnaatilimmik piginnaanermik takutitsisimavoq.

- Kulturikkut nittarsaassisuuneq ataqqinaataavoq kulturikkut kingornutatsinnik itisuumik paasinninnissamik taassumalu isumassarsiorfiusumik allanut ingerlateqqinnissaanut pisussaaffiliisoq. Nukittuffitsinnik ersarissaanermut tunngaannarnani kisianni aamma kulturit assigiinngitsut akornanni ikaarsaarfimmik aammalu ilikkagaqaqatigiinnissamut ataqqeqatigiinnissamullu pilersitsinissaq pillugu inissisimaffiuvoq, Kommunalbestyrelsimi ilaasortaq Nivi Heilmann Efraemsen oqarpoq.

Arnajaraq eqqumiitsuliortuuvoq, assiliisartoq aammalu assilialiorluni ilitsersuisarnermi ukiorpassuarni misilittagaqarluni. Siusinnerusukkut atorfini aqqutigalugu kulturitta paariinnarnissaannut suleqataanikuuvoq teknologilu nutaaliaasoq ullutsinni ersarissigaluttuinnartoq aqqutigalugu kalaallit kulturiannik siuarsaaqatanikuulluni.