Folketingi Qeqqata Kommuniani

Folketingemut ilaasortat Maniitsumi Kangaamiunilu takornariareerlutik tallimanngornermi aggustip 23-anni Sisimiuniimmata, borgmesterip atorfilittallu Qeqqata Kommuniata anguniagaannik suliniutigisaanillu tikeraat saqqummiiffigaat.

Maniitsumi ilaqutariinnik sullissivik, aalisakkerivik, illoqarfillu ilaatigut takornariarpaat. Kangaamiuni nunaqarfik aqqutaanilu takornarissanit sisorariartarfissuit pillugit paasisassarsiorfigineqarput. Sisimiunilu kommunip peqqinnissaq pillugu suliniutaata ilaat Akisussaaqqatigiitta, ATV-p aqqutissaa, katersugaasivik, ilaatigut takornariagaasa ilagaat.