Aaliangersagaq 2024 inuit attaveqaqatigiittarfitsigut atuinermik siunnersuutinik imaqarpoq, tassani angajoqqaat, pisortat, oqartussat politikkerillu iliuuseqaqquneqarput inuit attaveqaqatigiittarfiinni atuinermi eqqummaarinnerulernissaat aammalu imminut illersorsinnaanissaannut ilitsersuussinnaassallugit.
Sisimiuni tunniussisut
Sisimiuniit NAKUUSAmi Meeqqat Isummersorfiini ilaasortat tamarmiullutik Ilulissani Meeqqat Ataatsimeersuarmata (nutserisunut: Børnekonvention) peqataasimapput, taakkulu tallimanngornermi ulloq novembarip 29-anni aaliangersakkanik tuniussinermi peqataapput. Kalaallit Nunaanni meeqqat atugaannut pisinnaatitaaffiinullu pitsanngorsaneq siunertaavoq, aaliangersakkallu qulequtaa aallaavigalugu isumartik maanna borgmesterinut Naalakkersuisunullu tunniuppaat.
- Maangaaniit meeqqat peqataasut tunuarsimaaratik isummatik anittarpaat, taamaasilluni Ilulissaniinitsinni pissarsissutigilluakkaminnik peqataapput. Sumiiffiit assigiinngitsunersuut naapinnikuuaat, avanersuarmiut, avannaamiut, kitaamiut, tunumiut aammattaaq kujataarmiut, taamaasillutik isummat assigiinngitsorpassuit, ilisarilikkat aammalu kammalaatitaartorlutik, Inunnguaq Mørch Sisimiuni Pitsaaliuinermi Siunnersorti oqarpoq.