Aallannginninni nunap asinga misissoqqaaruk
- ATV-nut aqqusineq ingerlaarfigalugu pinngortitamik annertuumik misigisaqarnissaq aamma UNESCO-p nunarsuarmioqatigiinnut kingornussarititaqarfik Aasivissuit-Nipisat tikitassaapput.
- ATV-nut aqqusineq Sisimiuni imeqarfiup Sisimiormiut ipiitsumik imeqarnissaannik pilersuiffiusup killeqarfiatigut taseq sanioqqullugu aqquteqarpoq.
- ATV-nut aqqusineq Pingup eqqaatigut nerlerit nungukkiartortut apriilip 20-anniit juulip aallaqqaataannut immikkoortumiiffigisartagaanniittumi uninngaartarfikkut pullateqarfiusukkullu pingaarutilikkut aqquteqarpoq.
- ATV-nut aqqusineq Kangerlussuarmi Kellyvillep ungasinngisaani tatsit tarajullit narsallu tarajuusut aqqutigalugit aqquteqarpoq.
Innersuussutit
- Angallattut allat peqatigalugit angalajuaannarisi.
- Qaammataasiat atorlugit oqarasuaammik imaluunniit inReachimik nassartuaannarit.
- Nivaatamik aamma allunaasanik nassartuaannarit.
- Upalungaarsimasut ulloq unnuarlu maana 86 41 11-kkut attavigineqartuaannarsinnaapput.
- Angalanissat aamma qaqugu apuunnissamut naatsorsuutit ilaquttannut imaluunniit ikinngutinnut nalunaarutigikkit.
- Silami unnuinissamut atortunik nassartarit.
- Aallannginnermi silassaq takoqqaartaruk.
- Pissutsit aallaavigalugit ingerlaarnermi sukkassuseqarit.
- Aqqutaani unillatsiartarit qasuersaareeruillu aatsaat ingerlaqqittarit.
Piumasaqaatigisat
- Aqqusineq kisiat atuarlugu ingerlassaatit. Aqquserngup avataatigut ingerlaarnissaq inerteqqutaavoq.
- Qamutit nunakkoorutit kisiisa atoqqusaapput.
- Aqqusinermut imaluunniit pinngortitamut eqqagassat eqqaqqusaanngillat. Eqqagassaatitit angerlamut nassartakkit.
- Imeqarfiup killeqarfiatigut taamaallaat orsussaq CE-mik meqqilik 20 L-imik orsiivilik nammineq atugassaq nassaqqusaavat. Orsiivittaa makitatinneqassaaq aaliangeqqassallunilu.
- Orsussamut tankip saniatigut annerpaamik 100 literimik nassarsinnaatitaavutit.
- Imeqarfiup killeqarfiani kemikaliat, uuliat imaluunniit allat avatangiisinut innarliisinnaasut uninngasuutigeqqusaanngillat.
- Niuerutitut orsussamik assartuineq inerteqqutaavoq.
- Imeqarfiup killeqarfiani uninngaarneq taamaallaat Alanngorsuup inissiisarfiani pisinnaavoq.
- Imeqarfiup killeqarfiani ingerlaarnermi sukkassuseq 25 km/t-mut killeqartinneqarpoq.
- Imeqarfiup killeqarfiata iluani ajutuussagaluaruit piaarnerpaamik qamutit atukkatit piissavatit.
- Ajutoornermi imaluunniit mingutsitsinermi upalungaarsimasut maana 86 41 11-kkut attavigineqassapput.
- Piffissami apriilip 20-aniit juulip aallaqqaataanut nerlerit uninngaartarfianni pullateqarfimmilu uninngaaqqusaanngilatit.