Aalisarnermut, Piniarnermut, Nunalerinermut Imminullu Pilersornermut Naalakkersuisoqarfik ulloq 29. juni 2026 nalunaaruteqarpoq aasaanerani ukiaaneranilu Sisimiut aqutsiveqarfiani inuussutissarsiutigalugu aamma sunngiffimmi umimmanniarneq 1. august-imi aallartissasoq 15. oktober ilanngullugu ingerlassalluni. Umimmattassiissutit 300-pput.
Kikkut makitaasimanersut kommunip nittartagaatigut saqqummiunneqassapput, aammalu sumiiffinni allagarsiilluni nivinngaanikkut.
Qinnuteqarnermi piumasaqaataavoq sunngiffimmi piniarnermut allagartaq 2026-imut atuuttoq. Piniarnermut allagartaq kingusinnerpaamik akilerneqarsimasoq 30. april 2026.
Qinnuteqarnermi piumasaqaatit uku naammassineqassapput:
• Kalaallit Nunaanni najugalittut inuit nalunaarsorsimaffianni nalunaarsorsimasuunissaq.
• Ukiut kingulliit qulit iluanni ataannartumik ukiuni marlunni Kalaallit Nunaanni najugalittut inuit nalunaarsorsimaffianni nalunaarsorsimasuunissaq.
• Qinnuteqartup 15-inik ukioqalereersimanissaa.
• Ukiup siuliani umimmanniarnermi pisanik nalunaaruteqarsimanissaq
Sunngiffimmi aallagartalinnut akuersissummik qinnuteqarneq pissaaq kommunip allaffiani Innuttaasunut sullissivimmut saaffiginnilluni, kommunip ammanerata nalaani.
Inuussutissarsiutigalugu allagartalinnut qinnuteqarneq pissaaq Sisimiuni Innuttaasunut sullissivimmut saaffiginilluni Maniitsumilu aalisarnermut piniarnermullu siunnersortimut saaffiginnilluni aamma nunaqarfinni kommunit allaffiinut saaffiginnilluni.