Søgeresultater

Kommunalbestyrelsip politikkikkut sulinera kommunemilu politikkikkut ataatsimiititaliai pillugit quppernernut tikilluarit. Oqaluuserisassat kommunalbestyrelsillu ataatsimiinnerini imaqarnialiat nanisinnaavatit kommunemilu politikkikkut aqutsineq pillugu kiisalu bestyrelsimi ilaasortat allattorsimaffii immikkoortumi Kommunalbestyrelsimi annertunerusimik atuarsinnaavatit. Ataatsimiititaliat ataasiakkaat pillugit paasissutissat Politikkikkut Ataatsimiititaliamut katersornikuuagut, ataatsimiititaliallu ilaasortaat kikkuunersut qanorlu attavigisinnaaneritit aamma tassani takusinnaavatit. Ataatsimiititaliat ataatsimiiffissaata allattorsimaffii immikkoortumi Ataatsimiiffissani takusinnaavatit. Aningaasaqarnermullu pilersaarusiat ukiumullu kommunemi pisimasut kingumut atuarniarukkit Missingersuutit aammalu Ukiumut nalunaarusiaq toorlugit paasissutissat annertunerusut pisinnaavatit.

Kommunemi politikkikkut aqutsinermi Kommunalbestyrelsi qullersaavoq, Qeqqata Kommunianilu 15-inik ilaasortaqarpoq, taassuma ataaniillutik borgmesteri, borgmesterip sinniisussaa sinniisussaatalu aappaa. Hans Christian Sværd Qeqqata Kommuniani kommunaldirektøriuvoq.

Kommunalbestyrelsimut, nunaqarfinni aqutsisunut ilagiillu sinniisissaannik 2025-imi apriilip aallaqqaataani Qeqqata Kommuniani qinersisoqassaaq.

Inatsisartunut nutaamik qinersinissaq pillugu Inatsisartut inatsisaat 4. februar 2025--imeersoq naapertorlugu inatsisartunut qinersinissap ullussaa aalajangerneqarpoq pissasoq marlunngorneq 11. marts 2025

Qeqqata Kommuniani nunaqarfii 6-usut katillugit 4-inik nunaqarfinni aqutsisoqarput. Sarfannguit aamma Itilleq, taamatuttaaq Atammik aamma Napasoq ataatsimoorussamik nunaqarfinni aqutsisoqarlutik.

Ukiumut nalunaarusiaq ukiut tamaasa saqqummertarpoq, kommunimi susoqarneranik takussutissiisoq, ilutigitillugulu kommunip ineriartorneranik pilersaarutaanillu samminnittuusoq. Nalunaarusiaq borgmesterip kommunimi ukiup ingerlasimaneranik naalisaanertut taortarpaa, aammalu soqutiginnilluni atuartup immikkoortut ataasiakkaat atuarneratigut kommunip sammisaanik sullissineranillu ilisimasassarsiorfigisinnaavaa. Kommuniusimasunit marluusunit Maniitsoq aamma Sisimiut 2008-mut ukiumut nalunaarusiaq ukiumut nalunaarusiaavoq kingulleq. 2009 aallarnerfigalugu Qeqqata Kommunianoortumik saqqummertoqartalissaaq.

Ukiut tamaasa Qeqqata Kommunia missingersuutinik tamanut saqqummiussisarpoq, tassani killiffik nassuiarneqarlunilu ukiumut tulliuttumut siumut isigisumik imaqartarpoq. Kommunemi aningaasatigut pilersaarusiat sukumiinerusumik nalunaarusiarineqarneri tassani atuarsinnaavatit, aammalu missingersuusiorfiusut ataasiakkaat nassuiaatitalerlugit kontonullu assigiinngitsunut missingersuutitalerlugit nalunaarusiat immikkoortut ataasiakkaat itisilerneqarnerupput.

Qeqqata Kommuniani illoqarfiit nunaqarfiillu suup tungaanut ineriartortinneqarnissaanik kommunalbestyrelsip kissaataa takutinniarlugu pilersaarusiornermi periusissaq siunertaqarpoq. Pilersaarusiornermi periusissaq kommunip ineriartortinneqarnissaanut politikkikkut sakkussaavoq.

Kommunimi kommunalbestyrelsi oqartussani qullersaavoq. Qeqqata Kommuniata politikkikkut aaqqissuussaanera aammalu Qeqqata Kommuniani allaffissornikkut ingerlatsiviit suut pigineqarnersut ataani iserfigalugit atuarsinnaavatit. Qeqqata Kommuniata aaqqissuussaaneratigut takussutissiakkut politikkikkut ataatsimiititaliat suut atuuttuunersut, aammalu allaffissornikkut sorliit taakkununnga attuumassuteqarnersut innuttaasut ilisimasaqarfigilissagaat kissaatigaarput. Kommunimi innuttaasut saaffiginninnissamik pisariaqartitsinerminni, kikkut attavigissanerlugit ilisimaarinissaat aaqqissuussaanermut takussutissiakkut aamma qulakkeerniarparput.

Kommunalbestyrelsimut, nunaqarfinni aqutsisunut ilagiillu sinniisissaannik 2017-imi apriilip 4-ani Qeqqata Kommuniani qinersisoqassaaq.

Hermann Berthelsen, borgmesteri, Qeqqata Kommunia Ole Dorph, borgmesteri, Qaasuitsup Kommunia Jørgen Wæver Johansen, borgmesteri, Kommune Kujalleq