Qeqqata Kommunia Ilaqutariinnermut Ilinniartitaanermullu Pisortamik atorfinitsitsivoq

Qeqqata Kommuniata nalunaarutigissavaa, Vibeke Møller Jensen 2009-mi oktobarip 15-ini Ilaqutariinnermut Ilinniartitaanermullu Pisortanngussaaq.

Vibeke Møller Jensen Danmarkimi Kalaallit Nunaannilu ukiorpassuarni aqutsinermik misilittagaqarpoq, Kalaallit Nunaannilu isumaginninnermut tunngasutigut ilisimasaqarluartuulluni. Vibeke Møller Jensen ukiut tallimat affarlu kingulliit Nuummi najugaqarpoq, Nuup Kommuniani isumaginninnermi pisortatut atorfeqarnikuuvoq, aamma innarluutilinnut ulloq unnuarlu paaqqinnittarfeqarnermullu tunngasut kommuninit tiguneqarnissaanut atatillugu KANUKOKA-mi siunnersortitut atorfeqarnikuulluni.

Qeqqata Kommuniani Ilaqutariinnermut Ilinniartitaanermullu Pisortatut atorfik 2009-mi juunip aallaqqaataaniilli inuttaqarnikuunngilaq. Qeqqata Kommunia suleqatigiilernissamut qilanaarpoq.

Annertunerusumik paasisaqarniaraanni attavissaq:

Kommunimi pisortaaneq, Paneeraq Olsen, E-mail: paol@qeqqata.gl, Oqarasuaat: (+299) 70 21 00, toqqaannartumik sianerfissaq: (+299) 86 73 01