Sila allanngujaatsuulluni, 2.815 meterimillu mittarfeqarluni imarpik qulaallugu timmisartuussinernut mittarfeqarnissap qanoq pingaaruteqartiginera Kangerlussuarmi mittarfiup kingumut takutippaa. WestJet-ip Boeing 767-ia 250-inik ilaasoqarluni, qulingiluanillu sulisoqarluni ippassaq oktobarip 18-iani London-imit Toronto-liartilluni unnukkut Kangerlussuarmut isumannaallisaaneq pillugu mittariaqarsimavoq.
Timmisartorsuaq aallaqqitsinnagu WeatJet-ip mekanikeriinit misissorluaqqaarneqartussaammat, malitsigisaanik ilaasut Toronto-liartut timmisartorsuarnit mikinerulaartunit Boeing 737-init marlunnit aaneqarput.
Boeing 767 – 300-p mittarfik minnerpaamik 2.410 meterinik takitigisoq minnissaminut piariaqartippaa, Kalaallit Nunaallu qulaallugu timmisartuussinerni Kangerlussuup isumannaallisaaneq patsisaalluni suli miffigineqartarsinnaaniassammat, Kangerlussuup pigiinneqarnissaa ineriartortinneqarnissaalu pingaaruteqarluni.
2015-imi oktobarip qaammataani SAS-ip timmisartua isumannaallisaaneq pillugu Kangerlussuarmut mittariaqarsimaneranut assingusumik pisoqarpoq, ulluinnarnilu timmisartorsuit Europa-mit Canada-mukartut/USA-mukartut killup tungaanullu ingerlasut Kalaallit Nunaat qulaattuartarpaat.
Borgmester Hermann Berthelsen-ip oqaatigaa: ”Kangerlussuarmi mittarfiup 2815 meterinik takitigisup naleqquttumik inissisimanini takuteqqippaa. Kalaallit Nunaata takisuumik mittarfeqarnermigut, Atlantikup avannarpasissuani akisussaaffeqarnini pimooruppaa. Ullutsinni siunissamullu pingaaruteqarpoq."
Canada-mi nutaarsiassaqarfimmut iserfissaq:
http://www.cbc.ca/news/canada/manitoba/westjet-flight-grounded-greenland-lightning-strike-1.3811215
Paasissutissat sukumiinerusut
Hans Christian Sværd
Pisortaanerup sulisuinut pisortaq
Qeqqata Kommunia
Tlf. (+299) 70 21 00
Dir. (+299) 86 73 02
hcsv@qeqqata.gl