Nunatsinni illoqarfiit annersaasa tulliani borgmesteriusoq Malik Berthelsen umiarsuarmi tikilluaqqusivoq, aammalu illuartungeriinnut tamanut nuannersumut tikeraanit ersartaanneqarluni, atsiortitserusuttunit assileerusuttunillu tikilluaqquneqarluni.
- Immitsinnut attaveqaatigut pitsaanerulissapput, immitsinut tikeraakulaarnerugutta. Taamattumik Sisimiut Nunarpullu tikeraarnissaa toqqarsimagassiuk qujanarujussuaq. Taanna Kina-mut Nunatsinnullu pingaaruteqarpoq, borgmesterip oqaaseqaatimini oqaatigaa, ilutigitillugulu kineserinut eqqaasissutigalugu, arsarnernik qimussernermillu takornariarnermik ukiuunerani ornittakkatut nunap immikkoortua pitsaasuusoq.
Albatros Expeditions kalaallit nunaata sineriaani ilisimasassarsiuutigaluni umiarsuarmi takornariartaammi kineserinik takornarissanik angallassinissaq ukiuni arlalinni sulissutiginikuuvaa, aammalu ilaatigut taamanikkut Nunanut Allanut Naalakkersuisumit peqataaffigineqartumik Beijinng-imi kineserinik aamma kineserit angalatitsiviannik Caissa-mik isumaqatigiissummik atsioqatigiissimaneq suliffeqarfiup nuannaarutigaa.
- Pisisartutta kineseriusut soorunami pisiaq akialu pingaartippaat, kisianni taassuma saniatigut aammattaaq, Kangerlussuarmi Imarpik qulaallugu timmisartoqarfik silagittuaannartumik neriorsuisinnaagatta, Malik Milfeldt oqarpoq, ilassutigalugulu:
- Qeqertarsuup tunuanut aamma Uummannap Sulluanut Kangerlussuarmiit aqqutaata ungasinnginnerata aamma nunap immikkoortuata pinngortitarsuanut kulturianullu sunniuteqangaatsiarpoq.
Ocean Diamond Kangerlussuarmut uterluni aallannginnermini, ulluni arfineq-pingasuni angalanermini aammattaaq Qeqartarsuarnut, Uummannamut, Niaqornanut kiisalu Ilulissanut talissaaq.
Assiliisoq: Klaus Sletting