airplanebooksbriefcase business cogs cross election entertainment fish house law lockmedicalpeopleselfservices socialtax

Polar Fish Sisimiuni ingerlanneqarnissaanut isumaqatigiissut atsiorneqartoq

Allan Idd Jensen Kalaallit Nunaanni peroriartornikuuvoq, ullumikkulli Geodatastyrelsen-imi imarsiornermut tunngasuni aaqqissuisuuvoq. Polaris Electronics-illu saqqummersitsiviani isarussat piviusuusaartitsisartut (virtual reality) pitsaasut, ilaatigut kilisaammut ilaalluni imaani sikuusuni imarsiormermik misiliiffiusinnaasut, misilippai. DanFish Daily aammattaaq misiliivoq, a assaa misigisaq nuanneq.
13. oktober 2017



Aputsiaq Sandgreen marluinnarnik ukiulik anaanami niuinut nipputeqqasoq. Anaanani ataatanilu, Avannaani Ilulissani angallatinut marlunnut piginneqataasoq ilagalugit, aatsaavissuaq kingulliugunanngitsumilu DanFish-imi peqaavoq.

Thomas Noack sisamanngormat qernertuinnarnik atisaqarluni aamma kukkukuup angutivissatut illaagassatut nujaqarluni, minnerunngitsumillu timimi ilaatigut tulluaqqissaartumik inississimasaminik - sorlummini qarsorsat - saviminernik pinnersaateqarluni alutorsartitsivoq. Thomas tyskiuvoq, ullumikkulli Hirsthals-imi DTU Aqua-mi assigiinngitsunik suliaqarluni sulisuuvoq.

Ukioq manna apriilimi Qeqqata Kommuniani borgmesteritut qinigaasoq Malik Berthelsen, borgmesteriunermi siullerpaamik sisamanngormat ullaap tungaani 2018-imi septembarip 21-aniit 23-ata tungaanut Polar Fish Sisimiuni ingerlateqqinneqarnissaanut isumaqatigiissummik atsiorpoq . Aalisarneq pillugu saqqummersitsineq AKKC-mi pisortaanerup nutaap, Nicolaj Holm aammattaaq siullermeerluni atsiorfigaa. Polar Fish aappaagu Sisimiuni pilerpat AKKC arfineq aappassaa saqqummersitsinissamut aaqqissuisuussaaq.
Denne side bruger cookies for at gemme nogle informationer på din computer. Acceptér eller læs mere her.