Tunuliaqutaq
Pilersaarusiorneq aamma nunaminertat
atorneqartarnerat pillugit Inatsisartut inatsisissaat nr. 17,
17. november 2010-imeersoq, kingusinnerusukkut
iluarsiissutitalik, naapertorlugu pilersaarummik
allannguineq ingerlanneqarpoq.
Ilinniartut inaannit ingutsigassaqqissunit arfiniliusunit
tallimat Namminersorlutik Oqartussat
ingutsertikkusuppaat, ilinniartunullu 72-inut
inissalimmik ilinniartut inissaannik nutaanik pingasunik
sanaartortitserusulluni.
Sisimiuni KTI ilinniarfissatut pisariaqartinneqartunut
ilinniarfinnik naleqqussaalluni
ineriartortitsisinnaajuaqqullugu, ilinniartut inaannik
204-nik sanaartornissamik pilersaaruteqarnermut,
sanaartornissaq manna ilaavoq.
Siunertaq
Ilinniartut inaasa avataanni sanaartukkanut
pioreersunut akornutaasinnaasut sapinngisamik
minnerpaaffimmiisinniaatigalugit, ilinniartut
inissaat immikkoortumi
soqutiginarsarneqarnissaasa qulakkeerneqarnissaa,
pilersaarutitigut siunertaavoq.
Immikkoortoq ullumikkut
Ilinniartut inaat nutaannginnerusut arfinillit
ullumikkut immikkoortup ilaanniipput.
Nunaminertat ilaat suli sanaartorfiunngillat,
najugaqartunilli sammisassaqartitsivittut il.il.
atortarlugit.
Ilinniartut ineqarfiata takujuminarsarneqarnissaa
pilersaarutitigut anguniarneqarpoq. Taamaalilluni
ilinniartut inaanni pioreersuni avannarliit tallimat
ingutserneqartariaqarput, arfinilissaallu
ingutserneqaruni pitsaanerussalluni. GTO-p ineqarfiutikorai, ineqarfiillu ilaat
oqoqalernikuullutik.
Kommunip pilersaarusiorfigineqarneranut tapiliusat tamaat uani aasinnaavat
