Maniitsumi Umiarsualivimmut Kommunip pilersaarusiorfigineqarnerani tapiliussassatut nr. 61-issatut siunnersuut maajip 24-ani Kommunalbestyrelsip akuersissutiginikuuaa.
Maniitsumi Umiarsualivimmi nunaminertanik inuussutissarsiorfinnik nutaanik pilersitsinissaq kommunip pilersaarusiorfigineqarnerani tapiliussakkut siunertaavoq, umiarsualivimmi nunaminertanik akisuunik atuinermut iluaqutaasussaq, kiisalu umiarsualivimmut attuumassutilinnik suliffeqarfinnik nutaanik, assersuutigalugu aalisakkanik tunitsivimmik aamma aalisakkerivimmik pilersitsisoqarsinnaaneranut periarfissanik qulakkeerinnittoq.
Tamatuma saniatigut immikkuualuttuni annikinnerusuni, aalisakkerivimmut attuumassuteqartunik, utaqqiisaasumik inisimaffissanik (700-B-7.2) pilersitsisinnaanermut periarfissanik pilersaarut ammaassivoq.
Pilersaarut maajip 28-aniit juulip 23-ata tungaanut tusarniutinngorlugu saqqummiunneqarpoq. Pilersaarut kommunip nittartagaani www.Qeqqata.gl. takuneqarsinnaavoq. Qeqqata Kommuniani Teknikkimut Avatangiisinullu immikkoortortaq, 3912 Maniitsoq saaffiginninnikkut paasissutissat sukumiinerusut pissarsiarineqarsinnaassapput.