Kommunimi innuttaasunut asimi sunngiffimmi piniariartarfinnillu illuaqqiornissaannut, takornarissanut illuaqqiornissamut hotel-illu sanaartornissamut periarfissat nutaat ataavartumik ujartorneqartarput.
Qeqqata Kommuniani pilersaarusiornermi periusissanut naapertuuttumik asip annerusumik atorluarneqarnissaanut pilersaarut tunngavissiissaaq.
Illuatungaatigut suliassat tunngavissaqartinneqarnissaat, illuatungaatigullu asimukartarnermi, nunaannarmillu atuinermi pinngortitaq kulturikkullu eqqaassutissat sapinngisamik innarlerneqannginnissaat, soqutigisat ingerlareersut ataqqineqarnissaat, inuilaatullu isikkoqarnerata pigiinnarneqarnissaa, pilersaarutip qulakkiissavaa.
Pilersaarut uani ataani imal. Qeqqata Kommuniani Teknikkimut Avatangiisinullu immikkoortortami, Pilersaarusiornermut immikkoortumut saaffiginninnikkut pissarsiarineqarsinnaavoq.