Qinnguata Atuarfiani suleqatigiit taakku marluk peqartaasut tamarmik pinngortitalerineq ukkataralugu, "Ilisimasat nunarsuarlu" peqataaffigaat.
8. klassimi atuartut Line Gundersen aamma Camilla Lomholt-Bek-ip nerisanik eqqaasarneq sammivaat, angerlarsimaffimmilu nerisassat suut asiujanersut takoriaannanngortillugit app-imik pilersitsillutik. App-imik atuisoq, angerlarsimaffimmini pigeriikkaminik pisippat, App-imit ilisimatinneqassaaq. Assersuutigalugu imaassinnaavoq taqualiassanik pisiniarniarlutit pisiniarfimmiitillutit, tinguaraateqarnerlusi nalornilersutit. Nalorniguit tinguaqqap allagartaa app-ikkut scannersinnaavat, ilissinnilu tinguaraateqareersimagussi nalunaarummik pissallutit.
Sammisami tassani Line aamma Camilla nr. 3-nngorput.
Matti Asmussen aamma Ingo Johansen-ip oqarasuaat angallattagaq nukinnik annikinnerusumik atuilluni eqqakkanik E-nik annikillisaataasinnaalluni avatangiisinut mianernanngitsoq pilersissimavaat.
Oqarasuaat angallattagaq ima suliarisimavaat, batteereq, skærmeq, assiliivillu atuisumit nammineq ajornaatsumik taarserneqarsinnaanngorlugit. Imaappoq, oqarasuaativit angallattakkap batteeria immiisikkaluarlugu ingerlaannaasaq batteereeruttalersimappat, nutaamik piseriarlutit nammineerlutit batteria taarsersinnaavat. Batteri atornikoq suliffeqarfimmut nassiunneqarsinnaavoq, tassani atortussanik nutaanik pilersitsinissamut atoqqissinnaammassuk.
Qinnguata Atuarfiani nalinginnaasumik atuartitsissutit saniatigut Nutaaliorneq pillugu atuartitsissutini toqqagassaq, atuartut namminneq toqqarnikuusaat, aqqutigalugu atuartut unamminermi peqataapput. Suliniut aqqutigalugu, nutaaliorneq pillugu atuartitsinerup saniatigut atuartut ualikkut, sapaatillu akunnerisa naanerini naapittarlutik sunngiffitsik suliniummut atornikorujussuuaat. Suliniutip ingerlanerani atuartut Nutaaliornermi ilinniartitsisumik Morten Flø Pallesenimik qanimut suleqateqarput, taassumalu suliaasa ineriartornerini atuartut ilitsersortarlugillu siunnersortarsimavai.
Ataatsimut isigalugu atuartut angusarissaarluarput, tamannalu Next Level Finalimi kusanarluinnartumik saqqummiussaatigut ersarilluinnarluni.
Atuartut atuartunut allanut nallersuussinnaanerat, suliaallu atuarfiup avataani soorlu naliliisartunit atorneqarnissaat takuneqarnissaallu atuartunut annertuumik kajumissataasimavoq.
Siunissami Fonden for Entreprenørskab Kalaallit Nunaat aaqqissugaanik entreprenørskabs- og innovationimi unammisitsinerini assinganik periarfissaqassalluta neriuutigaarput.
entreprenørskabs- og innovationskokurrencer arrangeret af Fonden for Entreprenørskab Kalaallit Nunaat.
Allattoq
Morten Flø Pallesen
Attavissaq:
kangerlussuaq@atuarfiit.gl