Unammisitsineq aallartippoq unillunilu peqqinnissamik misissortinnermik, aak qaffasissusaa uuttortaarneranik, BMI aammalu puakkut uuttortaanerit. Unammisitsinerup ilaani ataatsimoorluni pisuttuartitsisoqarpoq, qaammammi holdeq allorarnerpaatut toqqaasoqarpoq, aammalu sulisoq toqqarneqarpoq pisunnerulernermut siaruartitsisumut, præmietut taaneqarneqartoq ” Suliniut kuseriarnerup siaruarneratut”.
” Peqataasut arlallit ileqquminnik allanngortitsinikuupput, timigissartalerlutik, oqinnerulerlutik, timigissartarfimmik atuikulanerulerlutik, aalasarnikkut nuannaarnerulerlutik suleqatigiinnilu ataqatigiinnermik nukittunerulersitsillutik. Nammineq toqqakkat ilisimaarinerilerneratigut, peqqinnerulernissamut alloriarneq siulliuvoq” Sofie Jessen oqarpoq, Qeqqata Kommuniani ineriartortitsinermut pisortaq, Maniitsumilu unammisitsinermi ataqatigiissaarisuusoq.”
Unammisitsineq qaammatinik pingasunik sivisussuseqartoq peqataasut ilaanit sivisuginartinneqaraluartoq, kajumissuserlu allanngoraraluartoq, ajugaasut piumassusertik attatiinnarsimavaat.
Sisimiuni Nalunnguarfiu Atuarfiani ilinniartitsisut sisamaasut, katillugit 5.908.049-nik, agguaqatigiisillugit ullormut 16.000-nik allorarsimallutik ajugaasuupput. Ullut tamaasa pisuinnaq suliartortarnikkut, unnukkut pisuttuartarnikkut kiisalu periarfissaqartillutik annertunerusumik pisuttarnermikkut, allornerit taamak amerlatigisut anguneqarsimapput. Ajugaasuni peqataasut oqaluttuarput:
”Unammisitsinerup ilaatigut kinguneraa oqilineq, timersuutinik nutaanik misilittaalerneq, peqataasuni marluk ujakkaartalersimallutik. Ajugaasuniillu kissaatigineqarpoq, unamminertaqanngitsumik qaammammut ataasiarluni pisuttuaqatigiinnernik pilersitsisoqassasoq.”
Taamak amerlatigisunik peqataasoqarnera, Borgmester Malik Berthelsen-immit nuannaarutigineqarpoq, imalu oqarluni:
”Ajugaasut ersersippaat, ullut tamakkiallugit pisuttuarneq nukissaqalersitsisartoq qiimanerulersitsisarlunilu. Silaannaq alianaatsumi aalaneq akeqanngilaq.”