Assimi Spejderit illuutaata inissisimaffia nalunaaqutseqqavoq. Spejderit illuutaat pigigukku, imaluunniit kiap pigineraa pillugu paasissutissaateqaruit, taava Teknikkeqarnermut Avatangiisinullu immikkoortortamut saaffiginnigit, sumiinnera ataani takuneqarsinnaavoq.
Illit pigigukku Teknikkeqarnermut Avatangiisinullu immikkoortortamut Spejderit illuutaannik piginnittutut nalunaaruteqarnissat pingaaruteqarpoq. Illutaanut ateq allallugu allagartamik ikkussineq naammanngilaq.
Inuttassarsiuussineq 2019-imi aggustip aallaqqaataanit aallartilluni, qaammatini pingasuni 2019-imi novembarip aallaqqaataata tungaanut ingerlanneqassaaq. Piginnittutut nalunaartoqassanngippat, Spejderit illuutaat aserfallangaatsiarsimanera peqqutaalluni isaterneqassaaq. Spejderit illuutaata nunaminertaq toqqavigisaa sunngiffimmi sammisassaqartitsinermut atorneqarusuppoq.
Inatsisit tullinnguuttut innersuussutigineqarput:
Avatangiisit innarlitsaaliorneqarnissaanik Inatsisartut inatsisaat nr. 9, 22. november 2011-meersoq
§ 36. Kommunalbestyrelsip eqqakkanik igitsisarnissaq isumagisaraa, atortussiallu imaluunniit tigussaasup suulluunniit eqqagassatut naliliiffigineqartarnissaa aalajangiiffigissallugu. Biilinik, umiatsiaanik, umiarsuarnik, qamuteralannik aamma tigussaasunik sunilluunniit angisuunik assigisaanillu peersinissaq aatsaat pisinnaavoq, taakkua sivikinnerpaamik qaammatini pingasuni inuttassarsiuunneqareeraangata.
Imm. 2. Kommunalbestyrelsi imm. 1-imi aalajangiineq taaneqartoq aalajangiiffigineqareerpat eqqakkatut isigineqartunik passussinermi igitsinermilu aningaasartuutit matussutissaqartinniarlugit tamakku tuniniarsinnaavai akitsorterussilluniluunniit.
