Sapaatit akunnerinut pingasunut aggersunut Ilinniartitaanermut ataatsimiititaliami siulittaasoq Evelyn Frederiksen qilanaarpoq. Qeqqata Kommuniani atuartitsinerup ineriartortinneqarnissaa ukkatarinikiuuvarput, taamaaliluni ilikkagaqarnissaq suleqatigiinnerlu annertuneruleraluttuinnartumik ukkatarineqassalluni. Ilutigitillugu nunarsuarmioqataarusuppugut, nunarsuup sinnerata assinganik unamillernartunik inuiaqatigiittut unammilligassaqaratta. Nunarsuarmi anguniakkanik anguniaqaqarluni suut tamarmik qaffasinnerulertarput, kommunip pingaarnertut anguniagarimagu atuilluartuunissaq, Evelyn Frederiksen oqarpoq.
Kommunimi atuarfinnit ilinniartitsisut nutaaliornermik perorsaanermik pikkorissartinneqarneratigut Nunarsuarmi anguniagaqarluni anguniagaqarneq maajimi aallartinneqarpoq, tassani atuartuutiminnk piujuaannartitsinermik ukkataqarlunik nutaaliortumik atuartitsinerik ingerlatinermik ineriartortitsigamik ingerlatsillutillu. Taamatut suliniuteqaqqaarnerit tunngavigalugit maligassiuisut taakku ingerlatsinernik nutaanik sapaatip akunnera kingulleq aallartitsipput, Qeqqata Kommuniani ilinniartitsisut sinnerinut ingerlateqqinnikuusaminnik. Nunarsuarmi anguniakkanik ukkataqarluni atuartut tamarmik nutaaliorlutik suliaqartillugit suliassamut ilinniartitsisut tamarmik maannakkut piareeqqapput. Aammalu siulliit sapaatip akunnera una aallartereertussaapput.
Maajimi juunimilu atuartut naammassisaat aaqqitaallu pillugit borgmester Malik Berthelsen pikkuginnittorujussuuvoq, tassani atuartut akuulluarnertik nutaaliorsinnaanertillu piviusumik takutimmassuk. Inuiaqatigiittut unammilligassatsinni aaqqiissutissanik pissanganartunik amerlasoorpassuarnik takutitsipput. Atisanik eqqakkanillu atoqqiineq, imermik imigassamik minguitsumik qulakkeerinninneq aamma allarpassuit atuartut pitsaasunik akissutissarsitippaat. Unammilernarsinnaasut innuttaasunit, inuussutissarsiutilinnit kommumiillu atuartunut tunniussaapput. Sapaatit akunnerini pingasuni aggersuni atuarfinni atuartuutitta pissanganartunik unammillernartunik suliassanik tuninissaannut innuttaasut, inuussutissarsiutillit kommunillu ingerlatsiveqarfiit suleqatigiinnissamut piareersimasut neriuutigaara. Pissanganarluinnassaaq, Malik Berthelsen naggasiivoq.
Kommunimi atuartunut tamanut anngussiniarluni, atuarfinni atuarfimmi aqutsisunik ilinniartitsisunillu qanittumik suleqateqarluni, Nunarsuarmi Anguniakkanik anguniagaqarnissaq &LEARNING-imit ineriartortitaavoq. Atuartitaanermiit aamma nunarsuarmi pitsaanerusumik innuttaalertoqarniassammat Qeqqata Kommuniani atuartut, ukiuni aggersuni suliaasa ingerlatiinnarnissaat pilersaarutaavoq. Atuarfiit FN Nunarsuarmi anguniagai pillugu siunissami aalajangersimasumik sapaatip akunneqartarnissaat pilersaarutaavoq, taamaalillutik Piujuaannartitsineq pillugu ilisimasaqarnerulerniassammata.
Nunarsuarmi anguniagaqarluni anguniagaqarneq uani annertunerusumik atuaruk.
