Immikkoortumut kommunip pilersaarusiorfigineqarnerani tapiliussat imaluunniit illoqarfiup ilaanut pilersaarutit aalajangersagartai malinneqartussat maluginiarneqassapput. Teknikkeqarnermut Avatangiisinullu immikkoortumut saaffiginninnikkut tunniussisoqartassaaq.
Sanaartornermut nunaminertaq pineqartillugu, qinnuteqaat tullinnguuttunik ilaqartinneqassaaq:
- Pissutsinut pilersaarut. Sanaartukkanut eqqaanittunut ungasissutsinut uuttummik inissiineq takussutissiissaaq.
- Pilersaarutaasup titartarneqarnera. m2 tamakkiisoq ilanngullugu uuttuutinik nassuiarneqartunik ilalerlugu pilersaarutit tamakkiisut takussutissiissapput.
- Illup silataata titartagai. Nunap pissusivianut illup silatai tamarmik takussutissiissapput. Pisut atuutereersut nutaallu immikkoortinneqarsinnaassapput. Toqqaviup ataani nunataq pukkinnerpaaffeqassaaq, toqqaviup portussusaani portussuseqassaaq kiisalu illup qaliata portunerpaaffiani portussuseqassaaq.
- Sanimut kipinerit. Illup ilusilersorneqarneranik nassuiaatitalimmik illu aqqusaarlugu kipinerit.
http://ver1.nunagis.gl/ atorlugu immersuinikkut nunaminertamik qinnuteqartoqassaaq. Tamatuma kingorna qinnuteqaat atsiorneqassaaq aammalu mail allakkatigulluunniit Teknikkeqarnermut Avatangiisinullu immikkoortortamut nassiunneqarluni. Atsiorneqarsimanngippat qinnuteqaat suliarineqassanngilaq.
Nunaminertanik atugassiinerit 250,- aamma 500,- akornanni akeqarput kiisalu suna qinnuteqaataanersoq apeqqutaalluni sanaartorfigissaanermut akiliutaasinnaasoq.
Suliniummi atortussanik/titartakkanik piumasaqaataasunik ilalernagu nunaminertamik atugassinneqarnissamik qinnuteqartoqarpat, qinnuteqaat itigartitsissutigineqassaaq, tamannalu akiliisitsinermik 250,- akeqarpoq.
Teknikkeqarnermut Avatangiisinullu immikkoortortaq oqarasuaatikkut 867460 imaluunniit mailikkut qeqqata@qeqqata.gl attavigineqarsinnaavoq.