Inuunerissaarneq – Det gode liv pilersaarutit ilagisaatut gruppe Angajoqqaatut akisussaaneq. Qeqqata Kommuniani aammalu suliffeqarfiutaani suleqatigiit gruppi ilaatigut naammassivaat misussuineq kommunimi angajoqqaat qanoq paasisimaneraat angajoqqaatut akisussaaneq. Misissuineq tunuliaqutaralugu angajoqqaat qaaqquneqarput aamma innuttaasut soqutiginnittunut ataatsimiisitsineq. Innuttaasunik ataatsimiisitsineq illoqarfinni nunaqarfinnilu ingerlanneqassaaq. Siullerlu ingerlanneqassalluni Sisimiun pingasunngorneq 12. august 2020 nal. 17:00 Skole 1 Aulaani. Ataatsimiiffissat Maniitsumi nunaqarfinnilu kingusinnerusukkut ullulerneqassapput.
Angajoqqaat arlallit oqaatigivaat, pisariaqartitsillutik tapersersuisunik assersuutigalugu angajoqqaaqatininngaanniik imaluunniit suliassamut immikkut ilinniarsimasoq angajoqqaatut inissisimaneq pillugu. Arlallit oqaatigivaat, sualummik killiliinissaq unammillernarsinnaasoq. Innuttaasunik ataatsimiisitsinermi assgiinngitsunik saqqammiussisoqassaaq suliassamut immikkut ilinniarsimasut killiliinermut tunngasut aammalu qaratsap ineriartorneranut tunngasuy, aammalu nerrivikkaarluni oqallittoqassalluni qulequttat immikkut angajoqqaatut akisussaaneq tunngassutilinnik, peqataasut periarfissaqarput isummatik tusartissinnaallunikkit.
Ataatsimiinnermi unnukkiornermi sassaalliuteqartoqassaaq, aamma kommuni pilersaarutigivaa meeqqanik paarsisoqarnissaa/nakkutiginninnissaa, meeqqanik peqataasoqartillugu.
Qeqqata Kommunia qilanaarutigivaa ataatsimiinnissaq, aammalu qilanaarpugut angajoqqaat isumaat tusarnissaannut angajoqqaatut akisussaaneq pillugu. Ataatsimiinnermi pissarsiarineqartut kommunip suliaanut angajoqqaatut akisssaanermut ilanngunneqassapput.