Qeqqata Kommunianit Sisimiuni ulloq 13.04.21 angutinut ataatsimiisitsineq Ilaqutariinnut kiffartuussivimmi ingerlanneqarpoq.
Siunertaralugu Sisimiuni angutit ikorfartoqatigiiffissaannik aallartitsinissaq.
Peqataajartorlutik takkussimasut qulit missaaniittut siunertaq tapersersormassuk taamaalilluni angutit ikorfartoqatigiittarfissaat aallartinneqarpoq. Ingerlanneqartassalluni marlunngornerit tamaasa unnukkut nal: 19:00-21:00 akornganni, Ilaqutariinnut kiffartuussivimmi.
Kikkulluunniit angutit 18-ileerersimasut peqataaffigisarsinnaavaat.
Angutit Ikorfartoqatigiinni uku pingaartutut ilisimatitsissutigineqassapput:
- Nipangiussisimasussaatitaaneq
- Naalakkersuinermut sumulluunniit attuumassuteqaranilu naalakkersuineq oqaluuserineqartanngilaq
- Upperisarsiornernut sunulluunniit attumassuteqanngilaq. Tamanna inuup nammineq akisussaaffigaa
- Inooqateqariaaseq aappaqariaaserlu apeqquserneqanngilaq
- Ataqqeqatigiilluni naapeqatigiittoqartarpoq
Ataqatigiissaarisoq pitsaaliuinermi siunnersorti