Meeqqat atuarfiani isumaginninnermut siunnersorti meeqqanik sullissisoq pillugu maannakkut aaqqiissut tassaavoq, illoqarfinni tamani, Sisimiuni Maniitsumilu, isumaginninnermut siunnersortimik ataatsimik meeqqat atuarfiinut attuumassuteqartinneqartumik atorfeqartitsineq, kommunimilu Atugarissaarnermut immikkoortortap ataani inissisimasuullutik. Meeqqanut inuusuttunullu navianartorsiortunut siusissukkut pinaveersaartitsinermillu iliuuseqartarnermut nukittorsaanissamut atatillugu, nutaamik aalajangiinikkut meeqqat atuarfiini isumaginninnermut siunnersortinik pingasunik inissiisoqassaaq.
Atuarfinni atuarfimmi isumaginninnermut siunnersorteqarnermi suliniummut siunertaasoq tassaavoq:
• Meeqqat ajornartorsiutigisinnaasaasa annertusiartornissaasa pinaveersaartinneqarnissaat
• Ilaqutariit isumaginninnermullu systemip akornanni attaveqaqatigiinnerup siuarsarneqarnissaa
• Ilaqutariit atuarfiullu akornanni paaseqatigiinnerup oqaloqatigiinnerullu akornanni siuarsaanissaq
• Atuarfiup meerartaanut tunngatillugu nalunaarutiginnittoqartillugu atuarfimmilluunniit oqaaseqaasiortoqartillugu, isumaginninnermut qitiusup atuarfiullu akornanni oqaloqatigiittoqarnissaata qulakkeerneqarnissaa
• Atuarfiup nalinginnaasumik tapersersuineratigut meeqqat ajornartorsiutigisaat ikiorserneqarsinnaanngikkaanngat, meeqqat immikkut tapersersorneqarnissamik pisariaqartitsisut pillugit nalunaarutiginnissutsini Atugarissaarnermut immikkoortortaq tigusaqartillugu, atuarfik ikiorneqartassasoq
Meeqqat atuarfiini isumaginninnermut siunnersortinik atorfinitsitsinikkut, meeqqat atuarfiini isumaginninnikkut suliassat suliarineqartarneri qulakkeerneqassapput, soorluttaaq Atuarfiup, Ilaqutariit Atugarissaarnermut imikkoortortallu akornanni suleqatigiinneq nukittorsarneqassalluni.
Meeqqat atuarfiini meeqqat ingerlalluarnissaat annertuumik ukkatarineqarluni, Kommunip suliniutaanik, soorlu Inuunerissaarneq - Det gode liv, aammalu Qeqqata Model-iatigut pinaveersaartitsinermik sulineranik, meeqqat atuarfiini isumaginninnermut siunnersortinik nutaamik aaqqiissuteqarnikkut qulakkeerinnissaaq.