NALUNAARUT
2021-mi Sisimiut aqutsiveqarfiani ukiaanerani umimmanniarnissamut qinnuteqartitsineq
Qeqqata Kommuniani Sisimiut aqutsiveqarfiani 2021-mi ukiaanerani umimmanniarneq aggustip aallaqqaataani aallartissaaq ingerlassallunilu oktobarip 15-iata tungaanut.
Namminersorlutik Oqartussanit ukiaanerani umimmanniarnissamut piffimmut pisassiissutigineqarput umimmaat 300-t.
Piffimmut pineqartumut killilikkamik pisassiisoqarnera pissutigalugu akuersissummik qinnuteqartitsineq ingerlanneqassaaq. Tamatuma kingorna qinnuteqartut akornanni makitsisoqassaaq, qinnuteqartullu amerlassusii apeqqutaallutik akuersissutit qinnuteqartunut ataasiakkaanut pisassiissutit qassiussanersut aalajangiisuussalluni.
Erseqqissaatigineqassaaq ukiaanerani umimmanniarnermi qamuteralaat ATV-t kiisalu qamutit motoorinik ingerlatillit allat umimmannik malersuinermi piniuitigissallugilluunniit inerteqqutaammat.
Ilisimatitsissutigineqassaaq piniarnermut allagartap 2021-mi 1. maj sioqqullugu akilereersimanissaa pillugu piumasaqaat inuutissarsiutigalugu aamma sunngiffimmi piniartunut tamanut atuuppoq. Soorlu aamma sunngiffimmi piniarnermut akuersissutit inunnut ukiut kingulliit qulit iluanni ataavartumik ukiuni marlunni Kalaallit Nunaanni najugalittut inuit nalunaarsorsimaffiannut nalunaarneqarsimasunut taamaallaat tunniunneqarsinnaanerat pillugu piumasaqaat atuuttoq, kiisalu akuersissutinik qinnuteqartut qinnuteqarnerminni 16-inik ukioqalereersimassapput.
Qinnuteqartitsineq nunaqarfinni kommunip allaffiini ingerlanneqassaaq, Sisimiuni sunngiffimmi allagartalinnut qinnuteqartitsineq kommunip allaffiata Innuttaasunut Sullissivianut saaffiginninnikkut ingerlanneqassaaq, kiisalu inuutissarsiutigalugu piniarnermut allagartallinnut qinnuteqartitsineq ingerlanneqassalluni aalisarnermut piniarnermullu siunnersortimut saaffiginninnikkut.
Qinnuteqarniarluni saaffiginninnermi qanermut assiaqummik atuinissaq piumasaqaataavoq.
Aasaanerani ukiaanerani umimmanniarnissamut qinnuteqartitsineq sisamanngorneq 29. juli 2021 nal. 12.00 killeqarpoq.
Qeqqata Kommunia