Ukioq naallugu imeqarfiup killeqarfiatigut assakaasulinnik angalasinnaaneq Naalakkersuisuniit akuerineqaqqaartussaavoq. Piumasaqaatilli ilagaataaq assakaasulinnik angalanerup aqunneqarsinnaanissaa, taamaalilluni neriuutigisatsitut ingerlaarfiit aalajangersimasukkut taamaallaat angalasoqarsinnaalluni. Ajoraluartumilli imeqarfimmut killeqarfikkut unioqqutitsilluni angallanneq kommunimut ajornartorsiutaavoq. Taamatut unioqqutitsilluni angalasarneq pisariaqanngitsumik Qeqqata Kommuniata aqqusinissamut suliniutaanut kinguarsaataasinnaavoq.
Imeqarfiummi killeqarfia mianernartuuvoq, tassami uuliakoorneq kukkusumillu nunakkut ingerlaarneq imip pitsaassusaanut akornutaasinnaammat.
Imeqarfiup killeqarfiani suut akuerisaappat:
Ukiukkut qamuteralaat qamussuillu illiniliutit ingerlavikkut akuerisaasutigut ingerlasinnaatitaapput. Aqqulli aatsaat sukanik ilisarnaasersorneqarsimatillugu.
Sisorartoqarsinnaallunilu pisulluni angalaartoqarsinnaavoq.
Illoqarfimmi sumiiffinni illoqarfiullu iluani angalaneq:
Aqqusinikkut asfaltigaasukkut siorartikkakkullu angalasoqarsinnaavoq. Aammattaaq illoqarfimmi illoqarfiullu killeqafiani qamuteralannut aamma sulinermut il.il. atatillugu angallassinernut angallavissanik kommuni pilersitsisinnaavoq. Aqqutit "Sisimiut Kommuniani illoqarfiup killeqarfiata iluani qamuteralannik sulinermullu atatillugu nalinginnaasumillu angallattarnermut malittarisassaq 1998-meersoq”-mi takuneqarsinnaavoq.
Sisimiuniittunut tamanut imeqarfimmut killeqarfikkut angallannermut piumasaqaat:
Imeqarfimmut killeqarfimmi unioqqutitsillutit angalanaveersaarit. Tamatsinnut kingunerlussinnaavoq.
Imeqarfimmut killeqarfimmi angalaneq paasineqaruni akiliisitaanermik kinguneqarsinnaavoq.
