Qamutit motoorillit Qeqqata Kommuniani nunaannarmi angallassissutiginissaat pillugu ileqqoreqqusaq-mut siunnersuut ulloq 22. juni 2023 kommunalbestyrelsip ataatsimiinnerani akuersissutigineqarpoq. Tamanit oqallisiassanngorlugu piffissami 30.06.2023-mit 25.08.2023-p tungaanut saqqummiunneqassaaq.
Assartuutit motoorinik ingerlatillit atorneqarneri pillugit Namminersorlutik Oqartussat nalunaarutaat nr. 10, 10. oktobari 2013-imeersoq aallaavigalugu kommunip qamutit motoorillit nunaannarmi angallassissutiginissaat pillugu kommuni nutaamik ileqqoreqqusamik siunnersuusiorpoq. Kommunip qamutit motoorillit nunaannarmi angallassissutiginissaat pillugu nutaamik ileqqoreqqusamik siunnersuuteqarneratigut, nunaannarmi qamutinik motoorilinnik angallannerup ukiuni kingullerni teknikkikkut, atuinikkut amerlassutsikkullu annertusiartuinnartup naleqqussarnissaa siunertaavoq.
Killilimmik qamuteralannik angalasinnaaneq akuersissutaanikuuvoq, tamannalu Sisimiut qanittuani nunap timaani ingerlavissiakkut kisimi pisinnaalluni. Nunap timaani qamuteralannik annertunerusumik angalasinnaanerup annertusineqarnissaanik politikkikkut kissaateqartoqarpoq, Sisimiut Kangerlussuullu akornanni ingerlavissiakkut qamutit motoorillit angalanissamut akuerisaasut assigiinngitsut arlalinngornikuupput.
Taakku saniatigut angalasinnaanermut ileqqoreqqusamik nutaatigut Sisimiut Kangerlussuullu akornanni ATV-nut aqqummik nutaamik angalasinnaanermik inatsisitigut naapertuuttunngorsaasoqassaaq kiisalu illoqarfiup nunaqarfiillu killeqarfiissa avataanni atortulersuutinut pioreersunut tamanit sinnaakkutissanik aalajangersaasoqarluni. Soorluttaaq Maniitsumi Sisimiunilu imeqarfiit killeqarfiini angalasarnernut 2014-mili akuersissutaasartunut immikkut akuersissutinut atuuttunut ileqqoreqqusaq ataatsimoortitsissalluni.
Kommunip qamutit motoorillit nunaannarmi angallassissutiginissaat pillugu ileqqoreqqusassatut siunnersuut kommunip nittartagaani www.qeqqata.gl tusarniaanerit ataanni takuneqarsinnaavoq kiisalu Qeqqata Kommuniata digitalimik kommunip pilersaarutaani https://pilersaarut.qeqqata.gl/ tusarniaanerni ingerlasuni takuneqarsinnaalluni imaluunniit Teknikkeqarnermut Avatangiisinullu immikkoortortami Pilersaarusiornermut immikkoortumut saaffiginninnikkut tunniunneqarsinnaasoq.
Iserfissaq: Nunaannarmi angalasarnermut kommunip nutaamik ileqqoreqqusassaatut siunnersuut
Ilanngussaq 1, Ilanngussaq 2, Ilanngussaq 3
Tusarniaanermut akissuteqaatit uunga nassiunneqassapput:
Qeqqata Kommunia
Postboks 1014
3911 Sisimiut
E-mail plan@qeqqata.gl
Oqarasuaat: 70 21 00