Atugarissaarnermut misissuinerup kingulliup takutimmagu, nutaamik innimiilliornermut politikkimik ersarissumik peqartariaqartoq Qeqqata Kommuniani qullersaqarfiup nalilerpaa.
- Suiaassutsinut tunngatillugu kanngutsaatsuliornerit, nikanarsaanerit imaluunniit innimiilliornerit, toqqaannartumik, toqqaannanngitsumik, ersarissumik imaluunniit toqqortertumik qanorluunniit iliuuserineqartut inatsisitigut imaluunniit tunngaviusumik naleqartitatsinni akerliuppata kikkut tamarmik naleqartutut ataqqineqartutullu pineqarnissaannik akerliuppata akuersaanngilagut, borgmesteri kommunalvestyrelsi ullumi ataatsimiimmat taama oqarpoq.
Atorfinitsitsinermut tunngatillugu kinguneqassaaq
Kanngutsaatsuliortup pissusilersuutai apeqqutaallutik atorfinitsitsinermut atatillugu kinguneqartinneqarsinnaapput, assersuutigalugu allamut inissinneqarnermik, mianersoqquneqarnermik peqqarniitsumillu pisoqartillugu soraarsinneqarnermik. Kanngutsaatsuliornermut tunngatillugu salluliorluni nalunaarnerit aamma atorfinitsinneqarnermut tunngatillugu kinguneqartinneqarsinnaallutik.
Innimiilliornermut politikki kommunimi sulisunut tamanut saqqummiunneqassaaq, taamaalilluni sulisoq innimiilliorfigineqartoq imaluunniit innimiilliorfigineqartumik takunnittuusup qanoq iliuuseqarnissaminik qanorlu saaffiginninnissaminik ilisimannissaaq.