Suliassat akisussaaffiillu
Nalinginnaasumik angajoqqaarsiat/oqilisaassisartut, angerlarsimaffimminni meeqqanik paaqqutarinninnerminni, nalinginnaasumik tassanngaannartumilluunniit inissiisimanermi paaqqinninnersiutinik pissarsisarput.
Nalinginnaasumik angajoqqaarsiat, meeqqap pisariaqartitaanik isumaginninniarlutik meeqqamik meeqqanilluunniit paaqqutarinnittarput.
Piginnaasat/piumasaqaatit:
• Najugaqatigiit tamarmik pinerluuteqarsimassanngitsut
• Nakorsamit misissortinnissamut akuersissuteqartoqassasoq
• Angerlarsimaffik sutigut arlaatigut atornerluisuuffiunani toqqissisimanartuussasoq
• Atugarissaarnermut immikkoortortaq, meeqqaat, angajoqqaallu suleqatigisinnaassallugit
• Meeqqap pisariaqartitaasa naammassinissaanut nukissaqartusi
• Ammasuususi suleqataarusussuseqartusilu
• Meeqqanik isumassuinermik misilittagaqartusi
Tullinnguuttut ilaatigut suliassaapput:
• Meeraq nammineq qitornatulli isumagissallugu
• Meeqqerivimmi atuarfimmiluunniit ataatsimiinnernut peqataasarnissaq
• Ulluinnarni suliassanut tunngatillugu meeraq siunnersussallugu
• Meeqqamut killilersuisinnaaneq, meerarlu inuunermik toqqissisimanartumik ilinniartissallugu
Akissarsiat:
Nalinginnaasumik paaqqinninnersiutit qaammammut 5.518,00 koruuniupput. Tamatuma saniatigut meeqqap nerisaqarnissaanut 1.338,-00 koruunit tapiissutigineqartarput, saniatigullu meeqqamut atisassarsiutissaanik kaasarfimmiussaanillu qaammammut tunineqartarluni. Immikkut pisoqartillugu paaqqinninnersiutit qaffanneqarsinnaapput.
Tassanngaannartumik inissiisoqarnermi immikkut paarsinersiutit, ullormut kr. 525,00 annertussusillit tunniunneqartarlutik.