Sisimiut Kangerlussuullu akornanni aqqusinermik pilersitsinissaq Qeqqata Kommuniata kissaatigaa. Kommuni Kangerlussuarmiit Kangerluaarsuk Tulliup tungaanut (immikkoortoq 1-imi) 130 km-inik takissusilimmut, Sisimiuniillu Kangerluaarsuk Tulliup tungaanut (immikkoortoq 2-mut) 20 km-inik takissusilimmut ASN-imik nassuiaammik suliaqarnikuuvoq.
Naalakkersuisut ASN-imik nassuiaatit marluk 2020-mi 2022-milu akuerivaat, ilutigalugulu ’Sisimiuni imeqarfiup killeqarfiatigut aqqusinermik pilersitsinissamut inerlatsinissamullu immikkut akuersissummik’ tunniussillutik. Tasersuup qooruani ATV-nut aqqutinik naatsunik marlunik (immikkoortoq 3-mi) pilersitsineq avatangiisinut sunniutaanik nalilersuinissamut pisussaaffiliinngitsoq Naalakkersuisut aamma aalajangerpaat.
ASN-imik nassuiaatit, akuersissutit immikkullu akuersissutit ATV-nut aqqutip suliniuteqarnissaanut aallartisaavoq. Tasersuup qooruatigut aqqutit illuarfiusut ilanngullugit Kangerlussuarminngaanniit aqquserngup affaa siulleq 2024-mi oktobarip tallimaani ammarneqarput, Sisimiunilu affaata aappaa 2025-mi juulip aallaqqaataata nalaani ammassalluni.
ATV-nut aqqut kingusinnerusukkut aqqusinivinngortinneqassasoq naatsorsuutigineqarpoq. Aqquserngiorluni suliniutaasussavik, ujaraaqqat atorlugit aqqusinertut, aqquserngup sinaa ilanngullugu 7 meter-ip missaanik tukimut takissusilittut, ilusilersorneqassaaq. Ujaraaqqanik aqquserniap ilaani, uninngaartarfinnik perusuersartarfinnillu pilersitsisoqassaaq
Immikkoortoq 1-imut ASN-imik nassuiaat uani aaneqarsinnaavoq. Naalakkersuisut akuersissutaat uani aaneqarsinnaavoq
Immikkoortoq 2-mut ASN-imik nassuiaat ilanngussaq. 1, ilanngussaq. 2,ilanngussaq. 3, ilanngussaq. 4, ilanngussaq. 5, ilanngussaq 4-mut tapiliussaq A aamma B ilanngullugit uani aaneqarsinnaapput, Naalakkersuisut akuersissutaat uani aaneqarsinnaavoq kiisalu Sisimiuni imeqarfiup killeqarfiatigut aqqusinermik pilersitsinissamut inerlatsinissamullu immikkut akuersissut uani.
Sisimiut Kangerlussuullu akornanni aqqusinniornikkut suliaqartoqarnerani immikkoortoq 3-mi ASN-imik suliniummik allanngortoqarneranut tunngatillugu nalunaarutiginnittoqarneratigut misissuinerup aalajangerneqarnera: Tasersuup kangiatungaaniit 3,5 km-sut Qorlortullu kuuaniit 1,9 km-sut ungasitsigisumi Tasersuup qooruani ATV-nut aqqut uani aaneqarsinnaavoq.