Kommunip pilersaarusiorfigineqarneranut tapiliussaq nr. 29, 2018-imi februaarip 22-ani kommunalbestyrelsimit inaarutaasumik akuersissutigineqarpoq, tamannalu matumuuna nalunaarutigineqarluni.
Kangerlussuup Sermersuullu akornanni Sugar Loaf-imi Russel Gletcher-imilu unnuisarfinnik illuaqqanillu sanaartortoqarnissaa periarfissikkumallugu pilersaarut suliarineqarpoq.
Qinnuteqarfissaq sapaatip akunnerinik pingasunik, imaappoq 2018-imi apriilip tallimaani nal. 16.00-ip tungaanut piffissalerneqarpoq. Nunaminertamik atugassinneqarnissamik qinnuteqaatit Kangerlussuarmi Teknikkimut Avatangiisinullu Immikkoortortamut, E-mail: kangerlussuaq@qeqqata.gl-imut tunniunneqassapput imaluunniit nassiunneqassapput, imaluunniit OTM, Box 89, 3910 Kangerlussuaq-mut nassiunneqassapput.
Pilersaarut kommunip nittartagaani www.qeqqata.gl-imi takuneqarsinnaavoq imaluunniit Qeqqata Kommuniani Teknikkimut Avatangiisinullu immikkoortortami, Pilersaarusiornermut immikkoortumut saaffiginninnikkut pissarsiarineqarsinnaalluni.