Tusagassiortut nunanit tamalaaneersut, biilinik sukkaniuttartut, pisunik ingerlatsisut aamma aaqqissuussisut sapaatip akunnerata matuma tulliani kallerup inneranik biilinik sukkaniunneq, Extreme E, ingerlakkiartorlugu Kangerlussuarmukarpata peqataasut tamarmik coronaboblimiissapput. Bobbilip COVID-19 siammatsaaliussavaa.
Coronabobbili ima isumaqarpoq, inuit bobbilip ilaatut ilaasut, najukkami innuttaasunik bobbilip silataaniittunik illup ilulani napitaqaqqusaanngillat.
“Pisumut taama angitigisumut peqataanerput nuannaarutigaarput, tassani najugallit innimigalugit eqqarsaatigineqarput, ingammik covidip tuniluutsinnaveersaarnerani, sapaatip akunnera tulleq pissanganartorujussuussaaq”, Jesper Schrøder, Arctic Circle Business oqarpoq.
Sukkaniunneq KNR-TV-mi takuuk
Coronap tunillaassuutsinnaveersaarnerani killilersuutit sukangasuut peqqutigalugit, Visit Greenlandip, Arctic Circle Businnesip aamma Qeqqata Kommuniata innuttaasut sinerissameersut Kangerlussuarmukaqqunngilaat. Extreme E-p Kangerlussuarmi biilit amerlanerpaartaat attartorsimavai, taamaasillutik Kangerlussuarmut tikittut sukkaniuffimmukarniarneq ajornartorsiutigissavaat, sukkaniuffissaq talittarfimmiit 30 km sinnerlugit ungasitsigisumiittoq aammalu nunaqarfimmiit/mittarfimmiit 20 km-inik ungasissusilimmiittoq.
TV-kkut imaluunniit inuit attaveqatigiittarfianni takuneqarsinnaanera pisup ingerlanneqarnerata tunngavigaa. Unammiffiup eqqaanni najuukkaanni, malinnaaniarneq takunninniarnerlu ajornartorsiutaassapput. Sukkaniunneq KNR-TV-kkut toqqaannartumik aallakaatinneqassaaq.
Nunarsuarmiut Kalaallit Nunaat isigaat
Extreme E motoorilinnik timersuutinik Kalaallit Nunaanni siullerpaajuvoq. Pisoq nunarsuarmi tamarmik aallatinneqassaaq tv-kullu takutinneqarluni. Ulluni taakkunani nunarsuarmuit isaat Kalaallit Nunaannut sammissapput taamatullu immikkut illuinnartumik qaammarfigineqarneq Kalaallit Nunaata nunarsuarmut nittarsaannissnnut immikkut illuinnartumik periarfissiissaaq, Visit Greenlandmi pisortaaneq, Hjörtur Smárason, oqarpoq:
“Immaqa Kalaallit Nunaanni pisimasuni annerpaassaaq. Taamatut nittarsaassineq pisiarineqarsinnaanngilaq. Taamaattumik pisup uuma iluatsilluarnissaa tamanik aalajangiisuussaaq, Kalaallit Nunaatalu pitsaanerpaamik tunniussinnaasai takutillugit.”
Motoorilinnik sukkaniunneq ulluni 28.-29. august ingerlanneqassaaq, kisianni ullut taakku tungaanut tusagassiortut aaqqissuisullu aallakaatitassatik piareersariartorlugit USA-mit Tuluit Nunaanniillu tikerassapput, ilaatigut aallakaatitaq Good Morning America (Amerika iterluarit) – Amerika TV-kkut aallakaatittagaq nuannarineqarnerpaaq.
©Eskil Hardt / Production Service
Paasissutissat sukumiinerusut:
Tanny Por
Aqutsitsuuneq - Visit Greenland
Oqarasuaat angallattagaq: +45 2076 9690
Email: tanny@visitgreenland.com
Jesper Schrøder
Pisortaaneq - Arctic Circle Business
Oqarasuaat angallattagaq: 56 51 31
Email: jesper@acb.gl
Laust Løgstrup
Qeqqata Kommuniani suliniutinut pisortaq
Tlf/mobil: 86 73 10/ 52 59 52