Kangerlussuaq nunat assigiinngitsut akornanni mittarfeqarfik

Angalanermi attaveqaatinut pisortat aningaasaliinissaat annertuumik pisariaqartinneqarneranut Qeqqata Kommunia Naalakkersuisunut, Inatsisartunut kommunillu allanut isumaqataalluinnarpoq. Tamanna pillugu 2013-imi atoqqaarfissiorneqartumut Sisimiuni talittarfiliortitsinermigut Qeqqata Kommunia aamma siuttuusimavoq. 2019-imut missingersuutit akuersissutigineqarnermigut Qeqqata Kommunia angalanermi attaveqaatinik pitsanngorsaanissamut alloriaateqaqqippoq, matumanimi Kangerlussuarmit Aasivissuarnut asfaltigaanngitsumik aqqusinniortoqarnissaa akuersissutigineqaqqammerpoq.

2. november 2018

Sukumiinerusumik atuaruk: Angalanermi attaveqaatinut aningaasalersuinikkut ineriartortitsineq Borgmester Malik Berthelsen-imit

Arfininngornermiit ataasinngorneq tikillugu Naalakkersuisut Maniitsumi marlunnik isumasioqatigiissitsinerat Borgmester Malik Berthelsen-ip nuannaarutigaa.

20. september 2018

Sukumiinerusumik atuaruk "Kangerlussuaq pillugu Naalakkersuisunut nersualaarineq"

Nuannaarutigeqaara Inuit Ataqatigiit Kangerlussuup mittarfissuartut ataannarnissaa piumasarimmassuk.
Tassami mittarfissuit pilersinniarneqarput takornariaqarnerup annertusarnissaa kissaatigineqarmat. Taamaattumik imminut assortuunneruvoq takornariaqarnikkut mittarfik ingerlalluartoq sulilu annertusarneqarnissaminut periarfissagissaartoq atorumaneqanngippat.

13. september 2018

Sukumiinerusumik atuaruk "Nuannaarutiginnillunilu pakatsineq."

Borgmestereqatikka Naalakkersuisullu tuaviornerpaamik mittarfissuartaarusuttut utaqqikatallutik maanna inatsisartunut nukingisaaripput kinguarsaaqqinnatik piaarnerpaamik mittarfinnik sanaartorluni aallartittariaqartut, tunngavilersuutigalugu inatsisartut kinguarsaanerat aningaasaliiumasunik qimarratsitsissammata.

12. juli 2018

Sukumiinerusumik atuaruk "Atuartartut allagaat: ILUMUT TAAMAK AKISSAQARTIGIVUGUT?"

Qeqqata Kommuniani inuutissarsiutitigut siunnersuisoqatigiinni Arctic Circle Business-imi (ACB) siulittaasup tullia Henrik Sachse, Sisimiunilu GE-mi siulittaasup tullia Miki Brandt, Qeqqata Kommuniani borgmester Malik Berthelsen-ip tallimanngormat ataatsimeeqatigai. Kangerlussuami mittarfimmik Qeqqata Kommuniata tigusinissaa tapersersorniarlugu, Kangerlussuarmilu periarfissarpassuit siuarsarneqarnissaat pillugu assammissutigaat.

28. maj 2018

Sukumiinerusumik atuaruk "Kangerlussuaq piujuaannarli"

2018-imi maajip 24-ani Qeqqata Kommuniani Kommunalbestyrelsip Kangaamiuni ataatsimiinnermini, kommunimi attaveqaqatigiinnermi atortulersuutit annertunerusut katsersuutsilernissaat siunertaralugu, kommuni piginneqatigiilluni selskabimik pilersitsinissaa akuersissutigaa. Selskabi A/S Arctic Circle Traffic-imik taaguuteqassaaq.

24. maj 2018

Sukumiinerusumik atuaruk "Qeqqata Kommunia selskabimik nutaamik pilersitsivoq"

Borgmesterip Malik Berthelsen-ip nuannaarutigaa Deloitte-p Kangerlussuup mittarfiata 2830 meterisut takitigisup nutarterneqarnissaa taamaallaat 199 mio. koruuneqassasoq naatsorsorsimammagu. Tamanna Namminersorlutik Oqartussat 2015-imi namminneerlutik 1,5 mia koruuninut naatsorsorsimasaannit piviusorsiorpalaarnerujussuuvoq.

17. april 2018

Sukumiinerusumik atuaruk "Deloitte"

Qeqqata Kommuniani attaveqaatit ineriartortinneqarnissaasa unittooqqanera, Qeqqata Kommuniani kommunalbestyrelsip annertuumik ernumanartoqartippaa. Inuutissarsiutit ineriartortinneqarnissaat unikaallatsinneqassaaq, takornarialerisullu ineriartortitsinissamik pilersaarutiminnik aallartitsisinnaanatik.

2. november 2017

Sukumiinerusimik atuaruk "Qeqqata Kommuniani attaveqaatit ineriartortinniarneqarnerat unittooqqavoq, Sisimiut Kangerlussuullu akornanni aqqusinniortoqarnissaalu kissaatigalugu"

Arctic Circle Business-imit, Qeqqata Kommmunianit aamma Visit Greenland-imit tamanna akissuteqarfigerusullu ataatsimoorussamik suiliniuteqarput, taamaalillutillu Kangerlussuarmi takornariaqarneq kisitsisinngortissinnaallugu. Suliniut marlunnik ersarissunik siunertaqarpoq: siullertut Kangerlussuarmi takornariaqarneq Kalaallit Nunaanni inuiaqatigiinnut aningaasaqarnikkut qanoq naleqartiginersoq, aappaattut ornitassami takornariaqarnerup naleqassusaanik qulaajaanissamut ilusiliamik ineriartortitsinissaq, Kangerlussuaq misiliutitut suliniutigalugu.

24. februar 2017

Nutaarsiassaq tamakkiisoq uani atuarneqarsinnaavoq "Kangerlussuarmi takornariaqarneq qanoq annertutigaa?"

Sila allanngujaatsuulluni, 2.815 meterimillu mittarfeqarluni imarpik qulaallugu timmisartuussinernut mittarfeqarnissap qanoq pingaaruteqartiginera Kangerlussuarmi mittarfiup kingumut takutippaa. WestJet-ip Boeing 767-ia 250-inik ilaasoqarluni, qulingiluanillu sulisoqarluni ippassaq oktobarip 18-iani London-imit Toronto-liartilluni unnukkut Kangerlussuarmut isumannaallisaaneq pillugu mittariaqarsimavoq.
19. oktober 2016

Nutaarsiassaq uani atuarneqarsinnaavoq "Silaannakkut angallannermi isumannaallisaanermut Kangerlussuarmi mittarfik pingaarutilerujussuuvoq."

Ippassaq ataasinngornermi novembarip 16-iani unnukkut Kangerlussuarmi mittarfik pillugu Qeqqata Kommunia innuttaasunik ataatsimiititsivoq. Innuttaasunit soqutiginninneq annertuvoq, Kangerlussuarmi innuttaasunit 500-sunit 100-ngajaat ornigupput.

Suliamik ilisimasallit amerlasuut peqataapput

Qeqqata Kommunia, Air Greenland, Mittarfeqarfiit aamma ARTEK/DTU peqatigalugit ulluunerani Kalaallit Nunaani timmisartuussisarneq aammalu Kangerlussuaq pillugu Inatsisartut sanaartornermut ataatsimiititaliaat paasissutissiissuteqarfigaat. Inatsisartut sanaartornermut ataatsimiititaliaat Nuummut uterlutik aallareernerisa kingorna, Mittarfeqarfiit aamma Air Greenland-ip pisortaaneri, ARTEK-ip nunamut qeriuaannartumut ilisimatuua aammalu Qeqqata Kommuniata borgmesteria Kangerlussuarmiiginnarput innutaasunillu ataatsimiititsillutik.

Nutaarsiassaq tamakkiisumik atuaruk "Kangerlussuarmi innuttaasunik ataatsimiititsinermi inuit 100-ngajaat peqataapput"

Avammut tusarliunneqartut assigiinngitsut Qeqqata Kommuniani, pingaartumillu Kangerlussuarmi innuttaasunut aningaasaliisunullu kingunerluutissat Naalakkersuisunit eqqumaffiginiarneqarunannginnerat, Qeqqata kommunalbestyrelsiata ernumanartoqartippaa.

1. Qeqqata kommunalbestyrelsiata piumasaraa, Kangerlussuarmi mittarfiup nutarterneqarnissaata pisariaqassusaanik misissuinermi tunngavinnik Naalakkersuisut saqqummiussissasut

2. Qeqqata kommunalbestyrelsiata piumasaraa, Kangerlussuarmi mittarfiup nutarterneqarnissaata pisariaqassusaa pillugu kina paasissutissanik suliaqarlunilu, kina pitsaassutsikkut qulakkeerisimanersoq pillugu Naalakkersuisut saqqummiussissasut.

3. Qeqqata kommunalbestyrelsiata piumasaraa, Kangerlussuup siunissaa pillugu pilersaarutitik pillugit Naalakkersuisut Kangerlussuarmi innuttaasunik ataatsimiisitsissasut.

Nutaarsiassaq tamakkiisumik atuaruk "Qeqqata kommunalbestyrelsiata piumasaraa"

Amerikkarmioq takisooq, qallunaarlu mikisoq 100 meterinik arpallutik oqilaniukkaangata, amerikkarmioq niukkaanerugami ajugaakkajunnerusarpoq. OL-imi VM-imilu 100 meterinik arpalluni oqilaniunnermi, Danmark-i ajugaanikuunngitsoq, USA arlalissuarnik medaljiannannikuuvoq.

Tamanna soorunalimi qallunaamut mikisumut qinngarnassaqaaq, taamaattumillu amerikkarmiutuulli niukkaarusukkaluarnera paasilluarneqarsinnaalluni. Qallunaaq taamak niukkaatiginissaminik takorluugaqarnermini, 100 meterinik arpalluni oqilaniunnermi takorluukkamini ajugaasinnaassajunnarsivoq.

Nutaarsiassaq tamakkiisumik atuaruk "Amerikarmioq takisooq, qallunaarlu mikisoq"

Qeqqata Kommuniani attaveqaqatigiinnermut politikkikkut akisussaasuulluni, piffissami sivisuumi assaanikkut Kangerlussuup Mittarfiata iluarsartuunneqarnissaanut 2 mia. koruunit tikillugit akeqarnissaanik, Naalakkersuisoq Knud Kristiansen-ip isumaqarnera atuarlugu tupaallannarpoq. 2011-mi Assartuussineq pillugu Isumalioqatigiissitaq 150 mio. koruuninik naliliineranit, 2015-imi 2 mia. koruuninut naliliineq ukiuni sisamani 13-eriaammik qaffaaneruvoq. Ukiuni sisamani Mittarfeqarfiit Attaveqarnermullu Naalakkersuisut malinnaasimannginnerlutik, taamaalillutik Kalaallit Nunaannut aningaasartuutissat 13-eriaammik naleqartunik naammattoorseriataarlutik.

Nutaarsiassaq tamakkiisumik atuaruk "Namminersorlutik Oqartussat uukapaatitsiniarpaat?"

Imarpik qulaallugu timmisartuussinernut Nuummii mittarfeqalernissaa arlalinnit isumaqataaffigineqarpoq, taamaattoqassappalli Kalaallit Nunaanni takornarialerinermut eqquingaatsiassaaq. 2014-imi avataaniit tikeraat unnuisarfinnik atuinerini, taakkunannga 18 procentit Sermersooq-Kitaaniissimapput. Juuli kisiat qiviassagutsigut, 2014-imi juulip qaammataani avataaniit tikeraat unnuisarfinnik atuinerini Sermersooq-Kitaa 7 procentiinnarnik unnuiffigineqarsimavoq.

Nutaarsiassaq tamakkiisumik atuaruk "Imarpik qulaallugu timmisartuussinernut Nuummi mittarfeqalissappat takornarialerineq eqqorneqangaatsiassaaq"

2 mia. koruuninut isumassarsiatsialak

Namminersorlutik Oqartussat isumassarseriivissimapput. Kangerlussuarmi mittarfiup nutarterneqarnera 2 mia. koruuninik naleqassappat, taava kikkut tamarmik takusinnaavaat, pingaartumik illoqarfiit pingaarnersaanni allanik mittarfiliortoqaruni ajunnginnerussasoq. Tamanna kikkut tamarmik paasisinnaavaat.

Kisianni Kangerlussuarmi mittarfiup nutarterneqarnissaa 2 mia. koruuninik akeqarnaviannginnera Namminersorlutik Oqartussat ajornartorsiutiginnaarpat. Nuummiilluni eqqarsarluni Kangerlussuarmi mittarfiup asfaltia tamaat piiariarlugu 7 meterinik assaanikkut toqqaviliilluni mittarfik aatsaat patajaallisarneqarsinnaasoq, kingornalu tamakkerlugu nutaamik asfalterneqaruni aatsaat 2 mia. koruuninik akeqassaaq. Ilisimatuut kikkulluunniit tamak ingasattajaartigisumik pilersaaruteqarneq tapersersunngilaat.

Nutaarsiassaq tamakkiisumik atuaruk "Kangerlussuarmi mittarfik – politikkikkut saqqumilaanngitsumik aaqqissuusseqatigiinnissamut pingaaruteqarpallaarpoq"

Kangerlussuarmi Mittarfimmut aningaasaliisoqaqqinnissaa pisariaqartinneqartoq pillugu 2015-imi juulip 28-ani aamma aggustip arferngani allakkiatit tigugakkit nuannaarutigaara. Kangerlussuup siunissaa pillugu, matumani Naalakkersuisut 2014-imi decembarip qaammataani naalakkersuisooqatigiinnissaminnik isumaqatigiissuteqarnerminni salliutassatut isumaqatigiissutigalugu nutaamik umiarsualivittaarnissamut il.il. aningaasaliisoqaqqinnissaanut unammillernartut periarfissallu pillugit toqqaannartumik oqaloqatigiittarnitta ingerlaannarnerinut allakkat takussutissaapput.

Nutaarsiassaq tamakkiisumik atuaruk "Allakkat ammasut: Kangerlussuarmi mittarfik"